[游记]10月2日，佛山游记(两千几字既流水帐啦)

10月2日，佛山游记(两千几字既流水帐啦)～

2006-10-03 03:01:58

大中小

今日去佐佛山游佐大半日，都几开心啦。好耐都无试过出来玩啦～

首先哩九点几启程去芳村客运站，十一点果时同源一齐到佐距屋企隔离个咩东方广场站，一下车，哇，觉得佛山真系好犀利啊。点解？d摩托车多到咩甘～以前我就觉得吴川啊茂名啊果度已经系摩托车王国了，点知到佐呢度一睇，简直系摩托车天堂啊，密密麻麻排到d队列又长又阔，蔚为壮观啊，我都唔知d车主点认得返自己部摩托啊，真系好眼力啊距地。哈哈，当时就琳，唔知薇用摩托出去时会唔会遇到因为太多部而稳唔着自己果部d情况呢？哈哈～

觉得果度禅城老城区d地方真系好亲切啊，因为好似深圳果d太繁荣d地方哩大家d人好似系金钱之上，人与人之间比较冷漠，有d住户住佐成十年都唔知隔离住果个姓乜（可能我说得不够客观，的确可能啦）。呢d地方呢，感觉民风纯朴，隔离邻舍边个有亲戚送礼来啊都会周围分到齐。我细个系吴川梅录姨妈度大既，果度就系甘噶啦，所以觉得都几亲切啦。

到佐源既屋企后，见到佐距花打同妈打。真系如我想象甘啊，距地都不知几好讲话，仲特登到楼下斩料加送，搞到我呢挺一路来都唔惯去人地屋企做客既人，都觉得毫无拘束，几中意下距地家庭甘。中午食饭果时，d手撕鸡真系好香啊，d半肥瘦猪肉焖得好好味啊……之但系，最衰我今日喉咙发炎牙龈肿痛喔，咬野都辛苦——又琳到薇既伤风啦，你要快d好啊知嘛，唔系我都唔知几时先得好噶——于是我就只食佐一碗饭。之后就同呢两位世伯伯母倾计倾佐成两个几钟，问距地平时d消遣啦，谈佛山d名胜古迹啦，讲深圳广州d繁华啦，吹系学校d经历同实习啦，倾考深圳佛山d公务员啦，话台湾目前风风火火既“倒扁运动”啦……后来下楼同源一齐出去行时，我话：“你屋企人真系好好讲话喔。”距话：“我老豆平时好少话讲，比较闷噶。”咦？我心里面偷偷琳：世伯同我好好倾喔，讲极都讲唔完甘，唔通我吹水真系变得甘犀利既？哈哈。意淫～(下面还有)

行啊行，系梁苑啊咩地方甘求其影佐d相，之后临时决定先去南风古灶。到佐之后，发现系南风古灶里面望入去，好似真系无几多野睇喔，唔通南风古灶里面真系得个灶？好，一于听源既说话，唔入去了，铿返门票钱，然之后系南风古灶周围d陶瓷店行下。原来呢d都系石湾公仔喔，都知道好出名甘噶啦。但一路走一路睇落去，居然感觉有d失望喔，好似感觉不外如是嗟，之但系我对果d细件精致既仲系好有兴趣既，有时都不免赞叹一番，当时心里面都会琳：唔知只猪会中意边一件呢？最后系出返呢条陶器瓷器一条街之前，买佐一套10只装既麦兜系列公仔，呢10只猪公仔，真系好得意啊！我只猪一定都好中意呢d猪嗟，距想既话，我就送俾距啦。

离开南风古灶坐公交车到佐祖庙后，都差唔多成五点了。于是乎我就“撇”甩佐源，自己买票入去祖庙睇野啦——其实因为距之前来过几次啦，无谓浪费d钱要距陪我再入去走，何况距都要返去食饭。入到去，都无咩特别既感慨，不过都的确系几古香古色既。自己一个人揸住部相机周围影，间唔中用数码相机黎个延时既自拍，哈哈，都几得意啦。系黄飞鸿纪念馆里，见到佐传说中、影视中、小说中几乎无敌的佛山黄飞鸿的照片。哈哈，同我以前系报纸上睇到既一样，系个有d仔肥既中年人啦，几得意。不过话时话，真系好佩服距啊，距简直都成佐中国尤其系广东人既民间英雄既图腾啦。

行佐拍佐大半个钟头度啦，就出佐祖庙啦。人地都话，未到过祖庙就等于未到过佛山。睇黎今次我算真真正正来佐次佛山咯喔。

跟住，亦都系今日好想做既一件事，就系去佐薇既学校。同祖庙其实都几近既。不过到佐之后，个门卫保安居然唔俾我入去喔，仲答我一句话就放一次个mp3耳塞到耳仔甘，唉，d人啊……间学校，真系好细啊，一眼就睇晒啦甘，心琳：薇系呢度读书，会唔会好闷噶，系间甘屈质既学校。甘跟住，沿住间学校外面行佐圈，又趁个保安唔系度时入去睇佐下，然后仲系门外面影张几张相甘啦。

薇啊，我知你迟早都会睇到我写呢d野既。其实无咩噶啦，你仲好介怀啊？定系？其实一路来你唔忍心同我讲真话，你自己都好辛苦噶系咪？我知道你系认真噶嘛。但其实都系我啦，我都无问过你系咪真系广外既，以前就想当然甘以为你系广外噶咯。我其实都唔系一d都唔嫐噶。知唔知啊，如果有人对你做咩都唔嫐，净系想讨你欢心既话，甘果个人多数都系不怀好意噶啦，所以你以后要带眼识人噶，系外边唔好太轻易相信d人同埋d好听说话啊，可能靠唔住噶！讲返又讲啦，我系有嫐过，但好快就过去啦，因为我企系你立场度琳过，我琳你系唔知点开口同我讲啊，因为你同我都系甘认真对待我地之间，同埋都甘真系唔想轻易错过，所以我理解你既。其实你系咪想问我点样知道你系果间学校既呢？哈哈，其实，好几个因素噶，加埋加埋起来，我就知道你系果间学校噶咯。其实，你知道我中意既系你个人，咪得咯，至于学校啊咩啊其他甘，我会在乎嘛，傻猪？其实我讲佐甘多，系咪都系你琳既啊？你仲会唔会有d咩其他琳法既嘛？有既话你发email话我知啦。以后唔好呃我啦，好嘛？两个人之间贵在真诚坦白噶嘛，系咪？