[游记]广州之行

剛剛過左的一星期大假很充實, 每日都有事忙.

6月12日係sasa大日子, 我做伴娘都總算做得稱職, 起碼新娘當日整天都容顏悅色, 唔講d兄弟還以為我不只第一次做.

第二日晨早7:55, 便乘早車出發去廣東梅縣(哥頓的鄉下), 可是出票的寫錯時間, 應為7:45, 枉我那麼早起但都是來不及搭車, 惟有番屋企再睡一會等乘下一班, 精神加心情都好差, 幸好我倆都沒有埋怨對方.

下班車係1:30, 到達梅縣已經是6:30, 哥頓爸媽弟, 大伯, 叔叔和堂哥已在車站等候多時. 聽說還要坐一小時入村, 沿途無街燈而且崎嶇不平, 頓時覺得唔好意思, 要大家久等. 幸好夏天日長關係, 加上叔叔堂哥駕車技術好, 終於順利送我們到目的地.

村落被山林圍著, 村民都友善, 生活純樸, 但以男為主, 女皆要勞動, 嫁進此村的女子真辛苦! 連續兩日上山掃墓, 感覺自己好似番左自己的鄉下, 好溫馨, 可能有d思鄉.

之後就乘車直達廣州, 同行還有哥頓媽和弟, 我們預計會逗留三天以購買婚禮物品. 上來之前, 聽了很多朋友的意見, 亦有建議選購平價婚紗, 晚裝, 旗袍等. 第一日還未出動去購物就入左間當地名牌的婚紗攝影--金夫人, 貴麗堂皇的裝潢, 禮貌親善的店員, 不愧為名牌, 價錢還合理(大約三千), 不但把套餐弄到付合晒你的要求, 還比我們提早選相, 一個月後便可取相, 故令今次廣州之行多了個很大的收獲.

第一次拍婚紗照, 心情有d緊張同興奮, 因為可以穿婚紗, 只不過選兩套婚紗(內外景各一)和兩套造型服, 已經消磨了整個下午. 前前後後共換了大約七套, 起初都好有興趣欣賞埋其他新娘試穿的婚紗, 但漸覺看膩了, 因此亦再無意欲去買婚紗, 要看上眼的也不是平貨, 倒不餘租還化算.

最後婚紗沒有買, 反而哥頓比我說服訂造禮服一套, 全包只係五佰, 由弟弟設計, 款式獨特, 我都十分欣賞. 而其他婚禮用品全靠媽和弟的協助下, 順利入貨!

今次廣州之行得已順利完成, 全靠未來奶奶和弟弟的幫忙, 亦多謝提供意見的朋友們.

新增回應