[游记]广州信羲国际会展馆一游记

今日无所事事，于是就同爸妈去咗新开嘅会展度参观下。发觉自己唔多似系住芳村嘅！个展馆其实已经开咗有一个星期多了，今日先至系第一次去，哈哈……讲出来真系会俾人笑我。不过迟来好过无来吖！总算揾到今日依个机会去行返一转。

其实展馆系可以从酒吧街一直通过去嘅，但因一切未完工嘅原故，所以要系果边兜过去嘅话，必须要左转右转，仲要行一段未修好嘅路，所以我哋决定改行，由下市直街果边入。终于来到展馆门口了，以前细个时曾经经过无数次，但都从未进入过。系芳村住咗二几年了，第一次进入依度门。踏进门后，第一个感觉——好绿化吖！空气好清新，再往前走，环境真系唔错！小爹小妈首先带我去睇有关依个会展馆嘅蓝图。哗……唔睇还好，一睇就吓亲人，个蓝图好壮观吖！ 如果以后真系可以搞成佢所描述嘅甘样，芳村将会成为一个广州著明嘅绿化区！到时芳村嘅前景就真系无可限量了！首次为住係芳村而感到自豪！！

接下来我哋一家就周围行下其他嘅展馆了，各个展馆都有佢哋嘅特色，但可能刚开不久，所以好多装修都未搞好，而且展品比较少，最令我印象深刻嘅就系果幅“全蛋制造”了，“全蛋制造”依个名系我帮佢起嘅，依幅图确实好有意思，好唔错嘅作品。有机会你哋都去睇下。依幅“全蛋制造”其实系一幅五十元嘅人民币。如果你平视睇佢系睇唔出嘅，必须要由高处望落去先至会睇得一清二楚！真系好有意思！制作嘅过程应该会几高难度！直得各位一观！

所有嘅展馆都差不多已留有我哋一家嘅足迹，无论系有展品嘅展馆定系空展馆，我哋都一一不放过地转了一圈。原来係展馆嘅周围都系度施紧工，不断为扩大展馆而努力。行下行下，我哋来到一个露天嘅咖啡店度小休，真不可思意，係会展馆度竟出现间露天嘅咖啡店。发觉原来小店还有一个留言板，于是手多多，无“帮衫”人哋，就走埋去留咗个言，哈哈……唔知会唔会我一走后，就马上俾主人家撤掉呢？难讲！难讲！

会展馆虽然比较偏僻，但也不少人慕名而来，大多数都系搞艺术嘅，摄影发烧友居多。今日甘啱俾我遇到有个人系度搞紧所谓嘅艺术，为咩要系艺术前加个所谓呢？事因我都睇唔明，所以分唔出究竟系唔系艺术，但通常识我果D人都会话“你睇唔明果D通常都系艺术来咯了”！哈哈……但就算唔系D艺术人都好啦，只要有相机系手嘅话，都会啰起来影返几张，甚至有人行埋去同个艺术人合影。可能大家都觉得好新鲜同好奇挂！依D就系广州人嘅风格了。广州人嘅风格我都有，可惜我无相机係手，得台手机，啰出来影感觉怪怪，事因周围个个都啰住数码相机影，而我啰住部手机影的话，甘样显得实在太突出，所以都系算罢啦！唔影佢，可以影其他咯嘛，例如：同屋企人影下相甘啦，其实都系一种乐趣！你话系咪？？

信羲国际会展一游到此结束，多谢名位全程嘅支持（由头睇到尾）

Open-Palm !
| Youth means limitless possibilities.