[游记]广州游记

July 18

廣州遊記

剛剛由廣州回來.....

星期日, 早上去學左兩個鐘師傅車, 30幾度大大太陽下, 晒左兩個鐘!!!熱得我成個人好像溶左甘啊....我係斜坡操8字時, 熱到見到海市蜃樓!!!係咪好堅先!!!

依家我條手臂有兩大片交差印 - 因為要帶護pad, 而且仲有手套印, 十分攪笑!!

下午會合朋友仔 - 一個星期無見, 我地去左食元朗日本野, 好平, 幾好食. 之後去買野帶上廣州, 旁晚在家"安頓"好兩條毛 - 放左全新既貓沙, 3兜貓餅,3兜滿滿既水...兩條毛既神色, 硬係覺得佢地有少少"形重"...

毛仔:"好多貓餅啊, 我好想食啊!!"

毛毛:"唔好啦....媽媽唔知幾時先番架!!!"

毛仔:"....但係D貓餅係度呼喚我啊...我好想食啊...."

毛毛:...但係媽媽唔知幾時番架WOR...."

毛仔:".....毛...."

如果我可以"話"到俾佢地知我幾時番就好勒....毛....

晚上去左上水食dinner, 去左維園, d野都可算係難食 - 仲要等位tim...

過左深圳, 上左"廣深火車", 車程很快, 大約一個鐘多少少就到廣州.

本來諗住打的番apartment, 但係見到長長既人龍, 都係算了, 搭左地鈇. 好快搭左一個站, 本黎諗住轉的士, 點知又唔多見有的士, 行前少少又到巴士站了 - 都係算了, 搭左巴士

前後由元朗去廣州既apartment, 大約兩個零鐘左右 - 如果車資唔係一個問題, 其實我地都好近

settle down, 見番一個星期冇見既北極熊...佢好似黃左少少wor...

個apartment都幾大, 有明顯既客廳同飯廳, 有大大既L形沙發, 有大大TV 可以睇到 TVB 同ATV, 有兩個房, 廚房同toilet, 正正常常甘.

星期一, 同朋友仔食完早餐, 送佢上車番工, 我就番apartment再訓過; lunch去左佢公司附近既"正佳廣場", 天啊!!!好熱!!!廣州度度都無咩泠氣的...天氣和香港差唔多甘熱....我地行左一輪, 個mall好大, d野好散,我地唔知食咩好, end up 食左food court - d野唔可以話好好食, 叫做食得你飽lor...而且, 好熱又冇咩風, 都無咩胃口....

下午我又番apartment訓下覺, 睇下電視, 上下網甘 - 睇電視令我將"正點!!閃電瘦"唔小心入左腦.....點算好??

晚上會合左朋友仔, 去左好遠既"黃沙"站, 再行啊行行左去"上下9街" - 一片繁華既景象!!!我地去左出名既xx(唔記得左個名...)食左雲吞面, 牛腩河, 鴛鴦腸同雙皮奶, d野係ok好食的 - 但我唔會再去, 因為service =零, 落單好混亂, 同埋 好熱冇風!!!

食完野行左一陣, 又係時侯番apartment

星期二, 訓到十一點幾 (終於有放緊假既感覺...!), 十二點半會合左朋友仔, 去左"中森名菜" - 又要等位, d野又貴又唔好食, 結論係元朗d日本野仲好食同抵食過佢 - for example, 我地叫左個"雪花牛肉鵝肝炒飯", end up 個飯係一個"老牛+閏炒飯", 都幾難食下(foodcourt都好食過佢...!!). 之後, 朋友仔番工, 我一個人去左書城. 書城好大下, 有5層, 不過冇咩suprise - 可能因為香港家下都好易買到國板書啦...

晚上,我地去左一間叫"moon carol"既 chain western restaurant, 感覺好"椰林閣", d野食都ok, 價錢就同香港差唔多...不過, "果汁先生"出事, 同埋等野食等得好耐...

星期三, 我又訓到十一點幾, pack好d野, 煮飯等朋友仔番黎; 簡簡單單一個焯菜同埋炸菜肉絲飯, 都好正氣下!!食完飯, 又係時侯講byebye, 佢送左我去廣州東站, 我一條人番落黎

.....剛剛由廣州回來

唔知下次幾時可以再上去呢?希望係大家都放住假甘hea 啦.....

下次我想試果間 西班牙野啊!!!