[游记]好挂住泉州小食呀

December 10

好掛住泉州小食呀

今日見到阿roy msn個名話好想食四果湯同埋豬肝湯...頂...搞到我又好掛住泉州ge野食呀!!

唔知點解泉州果度d野食難食極都有個限度....真係唔怪之得我地讀咗四年,個個都肥到收唔到身!!

講下學校附近有咩食呀....其實都有好多好野食ga

正門-東北餃子,我去過哈爾濱賓,發覺佢d野食幾正宗!!不過事頭婆有d恐怖...

後門--贑八...佢ge水煮活魚,紅燒雞翼,田螺煲都好好味!!沙縣梗係扁食正!!

紫荊園--燒烤好味...串串香...燒仙草...行過d ge金蓮,連我媽媽都話佢d野好味!!我地畢業前新開一間,唔記得佢叫咩名,佢d醬鴨好好味!!

仲有學校入面ge杯杯樂...佢d珍珠奶茶超好味,d草莓牛奶加珍珠真係一日飲幾杯都唔覺多!!

出面街更多好野食啦...

四果湯--我至愛呀,以前係威遠樓前面有個車仔擋好好味ga...但之後唔見咗,之後阿好帶我地去天后宫果度有間有百年歷史ge四果湯店..勁正...而家勁想食!!

牛排--我始於覺得好成材係最好味ga(關帝廟對面)

面線糊--係中山路,近住泉州酒店果邊果間係最好味

元宵圓--我唔知點講係邊度,百匯果邊..佢d湯圓,花生湯,木耳湯都好好味....佢隔離有間燒烤好好味...d雞腎真係好正!!

肉糭--鐘樓候阿婆d肉糭真係好好味...佢d肉燕都好正!!佢隔離果間東街肉糭都好好味,端午果陣買過黎食,真係幾唔錯!!

沙鍋--又係鐘樓果度...正!!

鴨血湯--阿醒介紹ga..係南俊路果邊其中一條巷仔入面ga...間野叫阿池,d鴨血湯,豬肝湯都好好味!!

土芛凍--一直都唔敢食,因為阿roy話醋味好勁,但原來係好好味ga,係中山路街邊檔果間真係幾唔錯!!入面係沙蟲黎ga!