[游记]迟迟来的台北温泉美食游记

幾得早幾個月去左台灣旅行，之前都有post上blog，不過就遲遲都冇時間 (又唔記得)寫番一篇詳盡少少遊記。

但由於我嘅好友，下月初就要去台灣，加上我另一位友人又計劃去台灣影結婚相，所以終於的起心肝，寫番呢篇比佢地睇。 不過因為早幾個月嘅事，所以可能有d唔太update，唔好見怪喎~~

當中有d係晌之前篇網誌copy出黎，如果其他blog友仲有興趣，都可以睇下嘅~~

台北4日3夜自遊行~~

交通:

飛機~ 港龍(香港8:15- 台北9:55am)
機場<-->酒店坐飛狗巴士，梳化座位好舒服，$135一位，直達酒店門口。由於機場來回乘車券agent送o既，所以唔駛錢； 除了去烏來坐公車之外，主要都係搭捷運。又因為有兩日都用免費o既捷運一日乘車票，所以慳左好多交通費~

住宿:
住西門町萬事達旅店 (中華路一段82號西門町捷運站附近 checkin 2:00pm, check out 12:00pm)，因為去年中才建成，好新，比之前住過o既東龍大飯店好好多~

第一天
中午到逹中正機場, 與老公分頭行事, 佢去排隊兌換台幣, 我就排隊申辦入台證。之後坐飛狗巴士直達酒店 (記住要同司機講明目的地)。到左台北市，先去西門町食左阿宗麵線同老董牛肉細粉(昆明街146號,國寶戲院旁), 好正~~

阿宗唔洗再講, 老董D牛筋超淋, 好味!! 下午去行 誠品旗艦店 <== click佢 (市政府站) ~~ 地方超大，地庫全層Foodcourt，又有精品服飾，好多野睇～因為太多書睇，所以冇去到鄰近嘅台北101；

黃昏去五分埔 (市政府站--> 後山碑站1號出口直走至永吉路口左前方即為五分埔服飾特區 )~~ 呢度係時裝批發市場，但比深水埗賣o既衫fashion好多，可以搵到d正野~ 不過有d舖同香港深水埗一樣，只做批發

晚上去饒河街夜市。

炸蟹仔好好味 藥燉土虱, 好補~ 十全排骨, 魯肉飯+臭豆腐~ 食飽飽之後，就去松山火車站坐火車去台北車站，再轉捷運返酒店喇~ 其實可以走回後山碑站坐捷運，不過太攰唔想返轉頭～

第二天
食過酒店早餐，就去烏來 (西門町站-->新店站 約25 mins -->烏來公車 約30 mins)

食泰雅人地道小食，賞櫻花及觀瀑布；

之後去浸溫泉~~水韻音樂時尚浴花園 <== ~~台北縣烏來鄉環山路151號，環境唔錯~ 不過最好一早打電話去預約專車接送，之前因網上download左coupon，不過平日去都好似有discount~

黃昏去師大夜市，然後返西門町食炭火燒烤+麻辣火鍋，好好味 ；之後再去e書漫上網。

第三天
一早起身，先預約好明天飛狗巴士(去機場)，之後到西門町蜂大咖啡店食早餐~ (成都路42號)

食飽起行去北投浸溫泉 (西門站-->新北投站 約30 mins)

坐專車到 亞太溫泉生活館 <== ~ (湯屋2人1間 NT$1250 /1小時，加1小時使用大眾湯及休息區，即共2小時；或者NT$40浸露天溫泉浴場)~ 有專車晌捷運站接送客人．之前去過台北兩次都去呢間，比起春天酒店更正更抵~ 平日去仲有八折添~~

黃昏去淡水 (新北投站-->淡水約20 mins)~賞日落，由於這天是假期，好熱鬧，吃地道小食及買手信(阿婆鐡蛋+魚酥)；

日落淡水果然超靚

出名嘅淡水魚丸同阿給~ 去完淡水，入夜前去 維格烘焙 <== 買出哂名嘅鳳梨酥 (淡水站-->圓山站2號出口，沿庫倫街直行過2個街口，頂好超市對面)

買完手信，夜晚行 士林夜市 <==。

最出名蚵仔煎及豪大大雞排，必試~~

由於之前食左太多野，所以行左一陣就去左行舊夜市，好似香港女人街咁，好多野睇~~

第四天
先去忠孝東路吃 牛爸爸牛肉麵 <== (忠孝敦化站3號出口, 忠孝東路4段216巷，金石堂書局轉入)

呢間牛爸爸好出名，周汶錡都有介紹過~ 上次去台灣都有試，簡直一試難忘~~

然後行去明曜百貨買義美蜂蜜蛋糕 (同香港果d真係差好遠，超新鮮～　再去忠孝復興站買阿默Amo蛋糕 <== (復興南路1段140號) 做手信~

買完野就去中山站食肥前屋超正鰻魚飯

(中山北路1段121巷13-2號7條通內)，之前有好多網友話好味~ 不過唔知而家仲有冇得食呢??

之後返西門町逛街作最後衝刺~

冰糖草莓真係好好味~~必試~~~ 西門町CAFE嘆番杯就要走~~ 下午六時晌酒店門口，坐機場巴士到機場，返香港~~

希望呢篇遊記對友人有幫助啦~~

新增回應