[游记]TVFans索妮交戏闯玉珠峰

首页 | 博客群 | 公社 | 专栏 | 论坛 | 图片 | 资讯 | 注册 | 帮助 | 博客联播 | 随机访问

妮光羡影--关于郭羡妮的一切

[20071113]郭羡妮攀峰转运买钻石奖励自己- -| 回首页 | 2007年索引 | - -[20071115]初冬美颜8字真经9堂课

[FACE025期]TVFans 索妮交戏闯玉珠峰

2007-11-13 第25期 FACE周刊

跟住我個樣化死人妝一流！真實對白

台慶節目《勇闖玉珠峰》首播收視高達27點，「洗底三人組」郭羨妮、梁榮忠同崔建邦辛苦總算冇白費。

人人以為要爭寵兼打開拳的崔建邦體能最強，又以為谷底妮想爬上玉珠峰之巔反思，點知三人出發，最後只得39歲車震男梁榮忠成功登上海拔6,178米的玉珠峰頂，返香港即刻入寵宮。

攻頂失敗，郭羨妮鏡頭前又嘔又暈痛到死。足同情分，大家會唔會對索妮改觀呢？

缺氧插喉
未開始攻頂，郭羨妮已經要狂吸氧氣，睇佢插晒喉個樣，真係心痛！

狂嘔茄蛋
郭羨妮受高山症折磨，5,000呎高大本營已經食乜嘔乜，於是工作人員極速送佢返酒店。

搵得谷底twins搭個失寵崔建邦做主持，擺明係想畀機會佢向觀眾盡訴心中情，連總經理陳志雲都講明個節目係為佢度身訂做。幾辛苦都要死頂，郭羨妮就話：「真係好辛苦呀，上到山我塊面灰晒，跟住我個樣化死人妝一流呀！」

真情流露

頭兩集講佢去到青海遊山玩水兼做準備，之後就會入戲肉，講佢基地受訓同攻頂，期間崔建邦鏡頭前話：「我機會的確比人多。」入雪櫃？Noway！而成功攀上山頂梁榮忠則認晒叻，「我想做，一定做得到！」郭羨妮就去得最盡，喊晒口話用「洗底」形容佢係一種侮辱，激動到訪問都未做完就走去！表情十足絕對冇交行貨。