[游记]车公庙之行

February 10

車公廟之行

一早,我就俾契媽既電話打來嘈醒左.

契媽:[亞 b(我),訓醒未呀?]

我魂魄未齊地:[吓?]

契媽:[你今日得唔得閒?陪亞 Ming(三家姐)去拜神呀.]

我仲未醒曬中:[哦.]

契媽:[咁你打俾家姐啦.]

我.........當然係繼續訓啦.

係我繼續訓既同時,我既三魂,七魄都開始歸位.

大腦亦開始如常運作,回想返契媽同我講過 d咩.

立即起身,打俾三家姐.

同三家姐約好左,三點去拜車公.

家姐問我:[亞 b,拜神要 d咩架?]

哈!真係考起.家姐同我都係讀番書,浸過咸水既人.

對拜神呢家野,真係唔多清楚.

我只好答:[神心囉!]

好彩!去到車公廟個度,有好多廟祝.

佢地話俾我地知,要買 d咩野,同點做點做.

我同家姐都有求簽,我求既係學業,家姐就求事業.

解簽先生話我支簽中吉,叫我唔好太情緒化,咁學業上會有好既成績.

今年係大三啦!最後一年,我都一定要努力努力啦!

之後同家姐去左新城市,食過 tea,行左一陣.

等埋我兩個姪女斯瑩,曉瑩出來,跟住就返去契媽度食飯.

發覺呢家我大食左!

好似次次係契媽度,我都食成三碗飯.

唔得啦,要食少一點啦!

再係咁落去,我驚我返到澳洲,會對澳洲既食物起出厭惡.

香港,實在有好多好野食呀!

睇埋[施公],我同斯瑩,曉瑩都返屋企啦.

當然身為舅父既我,當然係要送佢地去火車站搭車啦.

但係......佢地簡直係[魔]王......[慢魔魔之王].

我地十點鐘係契媽家出發(運頭塘運享樓).

途中我地只不過係上左[新達]去過廁所,同入[7仔]買雪糕.

但佢地慢魔魔,慢魔魔咁十點四十五分先行到去火車站.

真係好想噴血呀!