[游记]维多利亚公园游记

【26/11Sunday】 當日小白要做手術, 心情不安, 明知維多利亞公園多人都決定去行下散散心 (基本上每個星期日例牌有大批印尼、泰國及菲律賓藉人士聚集, 想搵個香港人面孔都有少少難度架哈哈). 當日天氣唔錯, 差唔多走果陣見到個天依然好清, 仲有大片「魚肚雲」, 心情當堂好番d

↓睇唔睇到圖片正中間, 冇錯, 苗條o既月亮小姐已經出佐黎! ↓無論春夏秋冬, 都覺得呢堆樹好似聖誕樹! 後面果堆仲白白地色, 好似蓋佐層雪咁. ↓我依家先見到有條毛毛蟲o係朵花度, 雞皮都起埋, 不過又幾靚喎; 毛毛蟲係咪都有保護色架?? 你睇我唔到、你睇我唔到! ↓呢隻貓貓o係草地便便 , 點知冇辦法用沙蓋住佢堆便便, 於是雞咁腳起勢跑, 極速逃離現場 ↑↓呢個公園d貓貓其實好幸福架, 佢地大部份都被愛護動物協會o既人幚佢地做佐絕育手術; 另外好多有心人會帶乾濕糧甚至清水去餵佢地, 雖然係違法, 佢地都只係唔忍心睇到貓貓冇野食或者亂食垃圾筒d野. ↑↓每逢星期日, 如果冇public event, 成片綠油油o既草地幾乎完全被一眾外籍人士享用佐, anyways, 最重要要注意公共環境清潔! 唔該唔該! 清潔香港, 人人有責! 新增回應