[游记]去赤柱玩

今日係勞動節假期. 一朝早就出左門口同d friend去赤柱玩. 點知我唔記得左直到尖沙咀個架巴士係起public holday 唔開, 所以預早出左門口. 因為約左佢地起尖沙咀碼頭等, 咁我就唸住一程車去到尖沙咀, 但........所以我就搭左另一架巴士再轉火車, 去到尖沙咀我先唸到點解我一早唔搭火車, 仲好慳tim, 火車只係$7.8, 而我咁搭要成$10.4, 不過唔搭都搭左, 算喇.........

我見我d fd有本天使心"的雜誌, 就由碼頭行去中港城, 點知行行下見到有城巴直到赤柱, 咁我地見一程好過搭船再轉巴士, 咁我地就搭左城巴973號. 都唔知係未我地心急, 果架巴士由尖沙咀去到赤柱有成二十幾個站, 我地總共搭左成個半鍾先去到赤柱, 我唸如果我地當初搭船再轉巴士, 已經到左. 不過又係一個錯的決定, 算喇. 我地去到都已經係中午12點半, 真係比架巴士攪到冇左半日......

我地一去到第一時間搵野食, 因大家冇食早餐, 所以勁肚餓. 我地搵左好耐先搵到一間比較平的餐廳, lunch要$26蚊, 都ok喇, 因其他lunch都要成四十幾蚊. 我地食完之後就去左美麗樓影相, 我記得我上次來係跟才俊學校旅行來的, 果次close左, 今要有開, 咁我地即刻影返幾幅相.
但可能係假期關係, 好多人同埋好多遊客, 我地影近相時都有d遊客叫我地借過, 攪到冇mood再影, 為有遲d補返喇. 跟住我地一路行去赤柱大街, 沿住海邊的長提行, 都有影相, 但比較曬d..
跟住我地去左行赤柱市場, 太多人的關係, 攪到好似去左旺角的女人街咁, 完全睇唔到野, 我地幾經辛苦都終於行完果個赤柱市場. 咁我地見仲有時間咁行左去赤柱正灘, 我地仲起果度傾左一d心事, 都係有關大家的未來. 我本來都想講我果d, 但我又唔想令我本來唔係好開心的fd再唔開心, 所以我就冇講我最唔開心的野, 仲之成個環境如果小d人就perfet, 不過可以望到個海, 又可以聽海浪聲, 又有海風, 我覺得已經好好.
跟住我地就沿住黃麻角道行, 沿途經過聖士提反書院同埋佢的附屬小學, 仲有赤柱軍人墳場 但冇上去行, 我地再向前行, 但我地開始發覺唔對路, 因絛路好似上山, 因當時已經係4:30pm, 所以大家都決定唔冒險, 咁我地行到去污水處理廠就回程, 跟住去左聖士提反海灘, 不過呢個比起赤柱正海灘大好多, 同埋多左好多人游水, 不過呢個灣有個特色就係個碼頭係起個長提之上, 而形成一個好特別的
地方, 我地都影左幾幅相. 咁我地影完之後, 因差唔多7點, 咁我地搭返車出返市區, 返屋企.
整體上我覺得整個行程都唔錯, 可以接近大自然, 傾訴一下心事. 起海灘的時候, 真係有一段短時間係好relax, 雖然唔及上次澳門果次咁relax, 但都唔錯喇.

新增回應