票价搜索 > 旅游景点 > 游记 > [游记]庙街文化攻略 |
[游记]庙街文化攻略 |
2008-07-27 madeinhk.hk |
異族食之文化 係前兩篇嘅廟街文化攻略入面,已經同大家介紹過衣、住、行嘅資訊,所以係最後一篇廟街專題裏邊,決定同大家講飲講食!!而對象就係之前提過嘅廟街一大族 - 尼泊爾人,佢地嘅特色家鄉食品,賣點係咖喱正宗。 為咗令到文章更豐富、資料更詳盡,我同阿WILL決定身先士卒,揀咗間正野去試試,內容貨真價實,保證猛料!!而依編文章將會較似向一編個人感想,多於一編專題報導,唔,真係幾好食…… 我同阿WILL行咗一輪,收集好前兩篇報導嘅材料之後,體力已經有啲透支,要搵個地方補充番下,入寶山又點能空手回,精挑細選之下入咗間尼泊爾人開嘅菜館試試!! 坐底阿WILL Scan咗個Menu一次之後,由佢發板點菜,佢貪威識食係信心保證。 當正想落Order之際,待應拎咗個籃埋嚟,裝住兩圈脆餅,原來係免費小食,食落香脆,味道較鹹而且有啲辣,隨碟附送香草乳酪汁同辣醬,一款清新一款刺激!! 未嚟主菜之前先嚟飲品,係兩杯芒果乳酪(MANGO LASSI),主要係用芒果同特有乳酪搞成,味道甜得嚟帶少少酸,係非常適合嘅開胃凍飲,特別食辣野嘅時候可減輕舌頭嘅負荷。 傾多兩句,第一個主菜上場,係串燒免治羊肉券(LAMB SEEKH KABAB),係尼泊爾、印度一帶嘅特色食品,將香料加入羊肉搞成肉醬,套上一枝鐵棒掛爐烤熟後再’劣’落嚟,所以上桌時會變成中空肉棒嘅形狀。味道較濃,沒有過份嘅羊酥味,只知道內裏有好多香料,味道都係有啲辣。 根住落嘅第二道菜係馬沙拉雞(CHICKEN MASKA),馬沙拉係類似咖喱嘅一種菜餚,不過烹調方法有啲唔同,但始終好多人都會誤為佢係咖啡!!依款菜味道唔算太搶,可能落多咗椰奶之類嘅材料,食落有咖喱味、帶甜、醬汁係泥黃色帶少少紅,啲雞煮得淋又無骨,送飯一流!! |
转自:http://madeinhk.hk/detail.php?news_id=72182阅读 |
游记文章由机器自动选取,来自其它网站,不代表票价网观点。 |
网友评论: |
共0篇回复 «上一页 下一页» |