[游记]香港游记

version 1.0

今日無無聊聊咁走過香港果邊行街街。

原本諗住去 [188] 搵 game，點知搞下搞下去 [皇室寶]。咁都好，橫掂想睇下 d notebook！

不過其實都冇乜好睇，因為一早鎖定個目標，正是 HP Pavilion tx1009AU..........

冇錯，其實佢唔算係notebook，佢既真正身份係tablet PC！

佢地有乜唔同..............？都冇乜，係有個 touch screen 之嘛！

可能打得 NDS 多，連部腦都想係咁~~~~~~~~~~~

睇下睇下，好鬼多唔同品牌既 notebook，不過都好鬼貴。嘩，部 ibook 成萬幾二萬銀，點買得落手呀！點睇都係自己個心水最抵買，我 d 眼光果然有番咁上下！

行完 [皇室寶] 就向 [188] 進發，點知路過 [298]..............結果都係上去。唔..............見到 d 電子相架，我其實都覺得佢幾有用，但係要插濕電就唔夠方便，而且色彩同 解像度都仲有進步空間，再平 d 就更好啦！

天色都就黑齊，[188] 又唔係山卡啦，點解我去極都未到？

唔理咁多啦，衝入 [188] 先。左望望、右搵搵，都見唔到自己個目標。d 冷門果然難搵，搵唔到咪買少隻囉，d 錢又可以暖多陣個袋，其實自己屋企 d 舊 game有排都未清得哂.........................

搵唔到自己想要既，反而見到朋友想買果隻 puzzle game，不過佢又話自己去日本搵............都係等佢番香港先算。

既然買唔到，就離開搵個地方開餐仲好啦！出門轉右冇幾遠，望見個招牌 --- 杭州酒家，似乎 ok 喎，一於就佢啦！

噫...........門口有 [蔡瀾] 張相，佢仲寫兩隻字..................睇 e 餐都唔平啦！唔好理，都上，食先算！

首先開壺茶，[龍井] 唔該。點解張紙叫 [白牡丹]...........唔通係同一樣？不過飲落確係 [龍井] 喎。

再就係 [醬鴨]，係有 d 鹹，不過個味道都幾好。

跟住 e 個就厲害啦！[東坡肉]，係咪睇見都有 d 驚！好鬼油，不過唔油又點係 [東坡肉]！

提高 [固醇] 後就食個清清地既 [小波菜]，嫩滑爽口...........簡簡單單也不壞。

最後就是本人至愛，[雲吞]............是水準之作，好味！

終於埋單啦！大家估下要幾銀找數？

多謝$270，抵唔抵就各有準則，不過個味道就合格，有機會再試下大廚既其他手藝！

新增回應