[游记]东京第五天东京马拉松日大江户温泉物语新宿 跑步日记.

今早小強比賽, 他一早和其他跑手吃早飯, 我約了兩位跑友家屬一同到日比谷站(10km及21km位置)影吓相兼打氣.

天氣非常之凍, 凍到對手好似雪條咁, 戴手抹影相又唔方便.

人又多, 睇到眼花花, 仲唸住人多實睇唔到, 好彩我眼厲啫, 首先在10KM位置附近見到小強, 之後DARA, 然後見到一位穿宇宙跑衣的男仕, 跟住見到小鳳.

10KM多些少的位置趕唔切對焦添, 只能拍到一陣風飄過的小強 跟住立即入地鐵找另外的出口(即21KM), 居然見到21KM個牌, 好彩我企上巴士站的木椅上先至見到咋, 仲可以影埋個KM牌.

個拍照位置係咪幾好呢? 企高睇得清楚好多. 部老爺傻瓜機居然回得切電, 可以補番張近照先. 之後再趕往台場終點站, 都好趕呀!!!

11:58分才到達, 仲要左攝右攝叫做揾到個好位. 真係有點意外, 唸位幾萬名跑手, 睇鬼到咩!!! 點知10KM, 21KM 及42KM都見到佢哋, 仲可以影埋相添, 雖然影得麻麻地, 但要一拖二兼帶埋AUNTIE走來走去, 都幾攰. 要多謝保姆姐姐幫忙睇住兩隻嘈嘈貢的小鬼.

恭喜順利完成 點解唔見咗最快個位D跑手, 因為她急不及待趕往涉谷SHOPPING咯 完成後, 我們十多人一同到大江戶温泉物語浸浸温泉, 按摩池超正. 然後乘車回新宿吃壽司, 之後再夜逛新宿一會便回酒店.