[游记]香港之行（迪士尼，铜锣湾，.

April 12

香港之行（迪士尼，铜锣湾，尖沙咀，观塘）

从迪士尼开幕开始一直都话去迪士尼，期间都落咗几次HK，但都无去迪士尼，今次终于要去啦，临行前一晚既然瞓唔着添，哈哈。8号一早起程，搭直通巴直去到迪士尼。一入迪士尼正门就见到好多人係到排队要同米奇米妮影相，我哋决定排咗先，惊到时越来越多人（其实后尾发现我哋开始排队果到係人类极限，正常人只会接受到果个长度，再长D人就唔会排啦，SO我原来係个正常人）。足足排咗半个几钟头，哇，近距离接触真实嘅米奇，异常兴奋啊。我第一时间同佢握手，同佢影相，至于米妮，事后先发现我无望过佢，无理佢咯，连影相都係痴住米奇，好似衰D咯。ANYWAY，继续行程，经过美国小镇D商店仔，哇，里边D嘢超正啊！N多嘢想买，我买咗个钥匙扣，兰兰买咗副透明扑克。係咿个商店群里有一间好靓嘅蛋糕铺，D蛋糕超靓，无吃到，后悔ing。跟住我哋去咗梦想世界玩旋转木马，记得对上一次玩应该係单位数年龄果阵玩嘅。今次玩果阵觉得自己又变翻小朋友啦，呵呵。中午饭係灰姑娘城堡吃饭，D饭几好吃，唔知係米因为起身之后无乜点吃嘢啦，毕过点都好，一个饭50蚊我觉得唔贵，但20蚊一只可乐就觉得好贵啦，虽然係咁，但係渴就一定要买噶啦，心痛啊（T.T）之后一直马不停蹄咁玩。其中，POOH里边D效果整得好靓，好鬼童话。米奇金像奖，MAGIC，狮子王庆典咿三個节目非常好睇，大家去到点都要睇喔。大游行当然唔洗讲啦，一个字正就係啦。至于晚黑嘅烟花都非常之靓，好值得睇。虽然個迪士尼就细D，少嘢玩D，但胜在你几乎可以同晒所有卡通人物影相，最紧要係迪士尼個人就会好开心好开心啦。同兰兰第一次旅行，第一次去迪士尼，好开心，等香港迪士尼二期整好，我仲要去，而且应承咗兰兰要努力揾钱，去晒全世界嘅迪士尼！嘻嘻，为咗可以玩，我会努力噶啦。

第二日，行街街时间，大出血时间。香港咿個永远嘅购物天堂，永远都係可以令人大出血。毕过最开心就係买咗条施华洛世奇嘅链送俾兰兰，希望佢中意会成日戴啦。一直到到晚上，我先去到我挚爱嘅CITY SUPER，係咿到我先有想留係HK嘅冲动。次次来CITY SUPER都好想係HK生活，为咗间超市留係HK值唔值呢？哈哈

第三日啦，係酒店附近嘅时代广场作最后冲刺，一下子买咗成千银，唉，洗钱就係快。所以三点钟吃完饭就坚决离开咿個欲望之都，翻去我可爱的家。

哈哈