每篇都要有噶前言：必须要用粤语，强烈推荐。不过如果大家要睇呢个攻略，必须要将20号噶文章睇过下，如果唔系睇呢个攻略就无咩意思了。本攻略虽然由多人构思，但系成文为一个人——姐系我，所以代表一家之言，如果当事噶大家有意见，推荐大家重写~~
话说有一个乞丐，要上鼓浪屿玩，身上一分钱都无，点算？唔惊，有呢个攻略，包你玩完返黎有找。
首先上岛，放心，系唔使钱噶。上左岛，一般你会好兴奋，嗯，甘就随便行下啦，行到你唔行都得。然后你肚饿，唔使惊，去黄胜记啦，有个甘好噶老板，牛肉干你可以食到唔食，仲可以食埋猪肉干，食埋肉松……总之实食得你饱，口渴点算？唔使惊，你系乞丐来噶嘛~以老板噶好人，实会抛支水出来噶，话唔埋仲系果汁，正！
跟住你如果想试下小吃比如麻糍，点算？呢个时候就要你赚取多少钞票扎袋，记住，你系乞丐，你有乞食噶权利。而且上得岛噶基本都系非富则贵，一般唔会有同行争生意，只要稍微多少少耐性，唔使1个钟头，再失败噶乞丐都应该有几蚊挂。呢几蚊要点用呢个非常有讲究，我地要林办法帮距地增值，呢个时候就应该直奔张三疯奶茶店，注意有个帮流浪猫募捐噶罐，其中面值最大噶有张10蚊噶，就用你手上噶1蚊去换取其中噶10蚊啦，由于你呢个“捐钱”葛举动一定会引人注意，所以要求你呢个动作一定要迅速，要一步到位，参考多少魔术手法，有心噶可以先自己练习一下先……成功后你会获得大家对你捐款噶赞赏同埋10蚊，所谓名利双收就系甘。之后你就可以买麻糍买鱼丸啦，买完野食又有散纸，又可以继续……
本攻略系成文之际考虑过一件事情，就系系寺庙教堂会唔会有香油钱，如果有，作为乞丐噶你一定要去争取。咩话？唔好意思？要知道，你系乞丐，连乞食都试过了，拿少少香油钱算咩，而且香油钱用来济乞丐系应该噶……不过由于攻略作者缺少实地考察，呢个需要商量一下。
当你呢日玩得尽兴噶时候，你要翻去了，甘就搭船啦……要钱？唔怕，系晚上比较夜噶时候会有免费船搭……
攻略完
PS：尝试本攻略者能够享受免费服务，攻略一出，不负责任何后果~~~希望玩得开心啦~~~咩哈哈哈哈 |
