[游记]东京攻略终日皇居秋叶

引用檢舉東京攻略~番外~(一)飲飲食食

網誌分類：旅行記趣 |

圖片

網誌日期：2008-05-23 21:51

雖然我行程介紹方面係完左,但係我都同大家講過我仲會有飲食同戰利品會同大家講既,而番外第一篇就會介紹我呢一次旅程中既飲飲食食,同大家分享呢一趟飲食之旅啦~去相

行程第一餐,當然就係飛機餐啦,不過呢個飛機餐同好多飛機餐一樣,不甚美味,總體黎講只算可以填一填個肚~哈哈,不過我個人認為飛機餐上面既飯大軟,可能焗得耐得濟,如果唔係既話,評分可以高d,40分到啦~

第一晚既晚餐係拉麵國技館自由選擇,而我同朋友就選左呢間常勝軒

呢個餃子賣相係一般左d,不過勝左皮厚度剛剛好,肉都ok,大約值60分

呢個三文魚籽飯賣相夠正,如果好此既朋友應該唔錯,不過同飛魚籽(蟹籽)比就少左d脆口感,70分啦

呢個應該係豬肉飯,比起飛機餐d飯好上數倍,不過其他就普通d,65分高

當然去得拉麵國技館,剛剛個d都只係配菜類,拉麵先至係主菜,而佢地有兩種拉麵選,包括左

拉麵SP,呢個大家都見到大大片既叉燒肉配上剛好既糖心蛋,湯底同麵條都達到一定水平,綜合評分可以達80分,值得推介

而另外一個就係以沾麵型式既傳說拉麵,呢個配料雖然比較少,不過麵汁係好濃郁既麵湯,所以有另一番風味(不過我無試呢個,但外觀都有77分)

另外呢d就係當天我同同房朋友所飲過既飲品同甜品,包括我朋友選而好多人都知既伊滕園綠茶同CC Lemon,呢兩種都平過香港,另外就我就選左依滕園既蘋果汁67分同另一牌子既芒果乳酸飲品,70分,都算唔錯,而明冶呢隻布甸朋友個味度ok喎,唔太甜,不過都夠香!72分

到左第二日完本應該係迪士尼食晏,不過行行下都過晒食飯時間,無乜野食,所以一人食左d野就等到夜晚,過左舞個邊食晚飯,而今次就選左呢間~凜や,而食既再一次係"麵"不過唔係拉麵,而係蕎麥麵

呢個係朋友之一選既鴨胸蕎麥麵,評分唔錯,有70分

呢個係另一位所選既,雞肉親子飯配熱蕎麥麵,評分72分

我選既就係呢個星鰻天婦羅飯配熱蕎麥麵,唔錯唔錯,有75分,配菜既蘿白比香港既好食,唔太酸,單項有78分!

當日仲飲左呢幾支茶類飲品,包括左Lipton既檸茶(檸味較少),迪士尼特別版既綠茶(一般)65分,另一牌子既蜜桃茶(唔知係咪日本飲品都係咁,果茶算係比較偏向茶味)62分,最後森永既燒布甸,70分,甜味就比尋日既甜,不過香味就十足,都唔錯!

當晚朋友另外同領隊訂左隻毛蟹,我個人對蟹就一般,所以無訂,不過朋友都俾左隻腳我試下,食落真係唔錯,蟹味好足,見到朋友個殼d蟹膏都好多,總結有75分!

到左第三日朝早我地經過中途車站又有新發現

就係呢兩條魚？無錯,就係鯛魚燒呢種甜品,佢有紅豆味同忌廉味,同埋剛好呢間都做得唔錯,不過如果連魚尾都多d料再多d就好啦,77分

甜品唔怕多,上到有地藏公公個處,仲有呢個雞蛋軟雪糕,幾靚,不過蛋味未夠,65分到啦

呢度就係傳說中食一隻長七年命,食兩隻就長十四年命,咁講食得多咪長好多？非也,食三隻要倒扣呀,小心,哈哈,不過講返轉頭,同一般既烚蛋分別唔大,55分啦

另外仲有呢杯高原牛奶,我飲左杯暖既,味道就比普通既濃,但又未追到蒙牛既高級版,評分68分

呢個係導遊介紹我地既飲品？!

其實係可以飲既Jelly,味道唔錯,口感幾有趣,72分

呢個就係當日既下午,set好既套餐,一般啦,勝左款多,樣樣有d,68分

之前導遊講開有兩隻野可能季節唔,係自動販賣機唔多搵到既飲品,剛好又係平和公園搵到,所以團友都去試下,包括左~

粒粒粟米湯(熱),呢種方法飲粟米湯都幾有趣,味道比普通煮火既罐頭湯好d,70分啦

另外就係紅頭湯啦,不過可能連皮既關係,甜味以外有d澀味,60分

繼續甜品大放送,御殿場Outlet買到左即做Pancake,我選左香蕉同CookienCookie雪糕既配搭,而朋友就選左布甸加上另一Topic,我個人就好推介呢個啦,82分

Qoo呢支蘋果汁都應該有d朋友試過啦,70分

黎得日本,刺生都係唔少得既食品,呢隻船就係我同朋友一齊享用既,當中比較出式既有海,80分(原本我唔多食到海,不過呢板夠鮮,我都食到d)下方既海老,85分(夠鮮,同口感夠彈),龍蝦,82分(鮮味夠,口感好)帶子,80分(唔腥,鮮)三文魚,78分(雖然唔係腩,但口感都唔錯,而大部分都到75分以上,所以呢隻船既整體評分有80分,算幾高既分數呀!