[游记]慕田峪新景区旅游慕田峪新景区游记慕田峪新景区评论慕田峪新景区.

慕田峪新景区游记 (匿名)

交通: 東直門汽車站 (天恆大廈正對面) 坐空調916去懷柔鎮龍山賓館(11元,1小時45分鐘),再轉"面的"直達(講價30元,25分鐘),沿途有好多食"虹鱒魚"o既餐館,不過一個人就唔試啦!
門票35元,加索道上山及滑道下山票55元,共90元,勁貴!
1:30pm坐"吊腳索道"上山,只有一個好簡單o既"護欄",仲好無安全鎖o既....好驚險!
坐索道到達5號烽火台附近,行程正式開始.我先向左行,一口氣行去4,3,2,1號烽火台,呢段都幾陡峭,幾甘!
跟住o係1號烽火台,越過"行人止步"牌,進入野長城範圍!行咗一陣,遇到個阿姐,問佢前面可以行幾遠,佢話:"要多遠就有多遠",吹脹!其實這段野長城並不算難行,不過勁多蜜蜂,"嗚嗚聲",好難頂!
到達第一個破爛o既野長城烽火台,本來想行多一個,但前面好似無路行,又四野無人,"淆底",決定放棄...
一兩分鐘後,見到兩個無咩裝備o既外國人,想繼續向前行,見到佢地好輕易搵到條路,跟住好輕鬆咁行咗去第二個野長城烽火台...有d後悔,都怪自己無胆....

折返回到5號烽火台,又一回氣行去6,7,8,9,10,11,12號烽火台,這一段算平坦,幾易行.跟住第13,14號烽火台又變番好陡峭,而14號烽火台更加o係慕田峪全段長城o既最高點(不計盡頭的20號烽火台,見後話),居高臨下,回看自己行過o既路,好感動!

過咗14號烽火台就會見到落山o既吊車,不過我已經買咗滑道下山票,算吧!

此時已經係4:30pm.要計計時間回程(滑道在5號烽火台).我繼續向前行,15,16,17...見到19號烽火台至20號烽火台好似一條天梯咁(可能有15層樓高),加上已經5:00pm,只好折返.