[游记]东水极品大庙全攻略

乜 "魚立" 物 "魚立" 同連米係最基本o既收獲，不論日水定夜水，差唔多次次都有，睇大定細o即。沙鑽、牛揪同鼠銜亦係常客，沙鑽要熱少少，牛揪同鼠銜就不論情況都會同你玩o下。火點、左口亦不時見到。

天熱會有鮫魚拖，重係好多很多o個隻，舊年水尾九月，我都重見到有人拖到三四條 (舊年我見人拖得好很過 "引"，但係硬係唔識去買塊鐵板仔，蠢！)。

雞泡亦係時時見，日日見，最大我起過十幾兩，亦見過一次有超過三斤o既超大雞泡上水，日本仔見到都會大叫 "一番" (Ichiban)！

夜水方面，就有紅?、雞魚仔 (斤頭)、斑等等比較好玩o既魚。日水我都試過上青斑仔，不過就係一指大，錢頭o個隻。要玩中斑大斑，就要用生蝦，投向石邊，要小心棘石。夜水都係生蝦比較得食。

幽面我都見人起過，不過屬於可遇而不可求。

老泥唔多，而且唔大，都唔知點解，用籠o黎裝都裝唔到。石狗亦係好細，林哥、梳欏，都係孫仔輩，釣到都冇用。

呢度又有好多蟹，差唔多次次我都有收穫，但係蟹多就好容易俾佢地偷哂 D 餌。

在此釣魚要小心，因為老虎仔同老坑係呢度陀地，成日上，不論大細，不論日夜，不論水流，小心小心！

肥熊我次次去都係o響同一個位落竿，個位唔係特別正，但係可以自成一國，有條欄杆梆o下生籠，又有個船纜蠆坐o下，連凳仔都唔駛帶，個船纜蠆好少船會用，有船埋只要小心 D 唔好俾人掃竿就得 (地圖4 )。