[游记]台湾第1站(新竹)I

第1站就係去契女亞媽嘅外家"新竹", 沿途有個士多啤梨種植場,

好想入去感受吓! 冇農藥嘅士多啤梨...一邊扎一邊食...幾咁寫意,

可惜...閒日係休息嘅! 只會星期六日開放, 所以...我只可以鬼鬼鼠鼠跨過d魚網影入去,

呢張相...得來不易呀! 除左跨網之外, 契女亞爸要專登停車俾我影, 而條行車路...係單程架!

Thank you so much!!

經過差不多兩個鐘頭有多嘅車程, 我地終於到達新竹,

其實上年已經嚟過一次, 事關未有契女之前...上年嘅一月...我就飛左過台灣,

當契女亞媽嘅伴娘喇! 真係時光飛逝, 斬吓眼...契女都成8個月喇!

呢間番婆坑客棧...下次有機會入去坐吓先, 唔知有冇高人著住呢d衫出現呢?!

到左外家, 小黑第1時間出嚟歡迎主人, 小黑好乖好忠心架!

大家有冇見佢單起隻手跑呀? 佢隻右腳俾車輾過...個次佢傷得好重

但係到最後佢仍然用意志力企番起身, 慢慢好轉, 仲用3隻腳跑來跑去...去保護主人,

又一證明...唐狗係世界上最忠心嘅狗

契女婆婆嘅外家新竹, 到處可見綠色一大幅田地, 因為淨係佢地一家...

都已經有4快田响出面...新鮮嘅空氣...係我地呢d城市人夢寐以求嘅空氣,

所以我企左响門口吸左好耐呢d冇污染嘅空氣...遲遲都冇入屋

响門口停左一架電單車...定私家車呢?

細問之下...呢架係用電嘅環保電單車, 係契女嘅太婆愛嚟代步架! 好鬼型呀!

我當然唔執輸...影番張先啦! 成場都冇出過鏡呀!!

終於都入屋...見吓家姐仔喇! 家姐仔又係超可愛嘅代表, 大家見到佢搵兩隻手指仔指住快面豬嘛?

因為契女亞媽叫佢"裝可愛丫"! 佢就會做呢個動作...好戔鬼架!

我仲錄左MOV...不如大家睇吓家姐仔有幾咁可愛同得意丫! 不過...錄得好細聲...

但係我把聲...就好鬼死大聲, 小心震傷耳膜呀!

好喇...睇完可愛嘅家姐仔, 當然要睇吓剛剛滿月嘅細佬仔啦!

細佬仔全程熟睡中架! 影佢每一張都係同一個姿勢,

所以...唔post貢多張上嚟喇! 淨係睇佢呢張...就知佢瞓得有多甜啦! 待續...

新增回應

引用

上一篇下一篇

回應(7)

煒、cyp及Russell 2007/07/22 18:33:00

檢舉

士多啤梨好吸引我丫…

~Sandra~ 2007/07/22 00:11:30

檢舉

I watched the video, she is super cute cute

agree agree ~家姐仔又係超可愛嘅代表, keke

Yoki 2007/07/21 20:43:09

檢舉

終極黑仔王

您都解釋得非常之貢清楚bor!!

哈哈...又逃唔過您嘅法眼tim! 我都覺嘅...! 開心一個樣, 唔開心又係令一個樣,

所以...我會努力變番以前個樣...唔使擔心老友

不過...有一樣野唔明...果張相係今年3月影嘅...點解會觸發您貢樣諗呢?

相差好多咩?!

Ambrose

hehe...大家都誤會哂喇! 我係2007年3月12日過去台灣,

家陣...先post d相出嚟! 講吓遊記貢...並唔係家陣响台灣,

我都想...話走就即刻就, 不過又唔能夠拍吓pat pat就乜都唔理,

好頭好尾...都要做多一個月架!

小欣子

如果而家您仲係可愛緊...您就驚喇! 家陣您都不知幾有女人味呀!

可愛呢家野...留番俾d有需要嘅人士啦! 我哋都係留番幾斤女人味使吓好喇!