[游记]延吉

5月16日

吉林游之——延吉

四月30号晚七点半的从哈尔滨发，去延吉的火车。我上完课三点半，然后四个早早就去到哈市，系德克士吃佐一餐，亦都结束我个几月的唔吃晚饭，哈，大吃一餐，决定呢个五一要补翻，哈，估唔到真系一路吃翻来。

上火车了，发挥我的调配能力，哈，自夸。。。将我地的位置整埋一起，五个人的位置，仲同个朝鲜靓仔倾佐阵。真系打算破戒了，买佐四瓶哈啤上车，仲有金迪的黄豆，四个人打牌，边饮酒，边吃黄豆，哇，真系爽死了。。。输佐都要饮一口。到后来同任玉一人开一瓶拿住饮了。后来仲见到刘洋同咸丰，距地又去哈尔滨行一日街翻，真系搏命。晓辉十点几上车，仲谂住继续作战，点知距饮多佐上来的，后来找到位就睡了。我地四个一起，睡唔着，玩问问题，再过一阵，大家都睡了，六点几就到了。

早上有D凉，晓辉话呢度九点前系见唔到太阳的。去报亭买地图，坐一元公车，慢慢看下呢个城市，都几大咖，环境都唔错，点讲都系呢个朝鲜自治州的州府，就系人少D，可能系太早了，亦系有一条河贯穿的，到处都系朝鲜字，对译中文，同去满州里个边甘。到市中心我地落车，找到一个叫“柠檬旅店”，见到个名好得意就入去了，住宿都唔贵，环境还可以，一个房30，而且都几有当地风味，有玄关，要脱鞋先可以进去，布置都好精致的感觉。放低野，抽签，看边个一起睡，哈，我同金迪两个细粒D一张床，距地三个一张床。七点几就出门了。看路牌离延吉大学好近，而且几出名哦，大家都唔系好饿，学校几大几靓，好大一个斜坡上建筑而成的，仲有好多花。今日天气一般咯，阴阴天。行住去个公园，因为呢度市区无咩景点的，上网查个D人地都无听讲过，算啦，个D咩古迹兴趣唔系好大。路过一间朝鲜饭店啦，入去，一人点一样野，一起吃，有炒年糕，冷面，紫菜卷饭，泡菜饭，还附送小菜。恩，同系哈尔滨的韩国餐厅吃的虽然一样的饭，不过味道就完全唔同啦，第一次知道炒年糕系一条条的，酸甜辣，好好吃，先吃佐三十几元，对铁筷子同勺子好有感觉。吃饱精神晒，继续去公园，一元门票，同乌兰好特度一样，行两步就有韩服着住影相的，哈，讲价，两元一个人，换衫，影相，好似影相大家的兴致都特别高，而且套衫的结仲有讲究点绑的，有专人帮绑。影相咯，颜色够晒鲜艳，而且觉得大家个人挑的衣服都很适合自己风格的，任玉套我都好中意的，不过颜色唔衬我，距仲扎起一旧头发系侧面，好似日本人。晓辉套好靓啊，有只好大的孔雀，距又梳起个头，哇，成个韩国人甘啊。金迪套好似D跳舞的甘，民族特色，间条的。思熠套都好看咖，粉红色的，距话好似细路个D，又扎两条辫仔，可爱。我自己个套呢，哈，我系觉得好似大长今做佐医生后个套咖，个袖的绣花我都好中意。影佐无一个钟，好大雨啊，都唔知系感激距好唔好，如果唔系我地都唔知要影几耐咯，哈哈。避雨，有D冻啊，大家快快找间商店去逛了。里面D衫，同其他地方唔同的，比较有韩国个种特色，可爱，成熟，都有，价钱都可以接受哦，不过旅游还是不买了，还有一些工艺品，系威海时就见过了，还比那里贵一点。出来行下呢度的地下，价格各方面都系偏贵D，好似大家都无太大激情，应该系累了吧，坐车去车站问佐下去长白山，仲去旅行社咨询一下，太贵了，一日游就365，时间仲好紧。我问野时，距地坐系一边都睡着了。坐翻公车，去买特产，叫四市场，听人讲好多次先听明，呢度的人同我地差吾多，普通话唔系好准，特别一D中年人，基本上都唔点讲。转来转去，终于找到了，都系卖吃的，辣菜，好吃啊，牛板筋，明太鱼，仲有其他辣白菜，苏子叶，还有打糕，好多唔同品种，妈妈距地好中意吃了，不过放唔到太耐呢。仲有一个个摊位，好似都系一份汤同饭，仲有咸菜就甘吃了。仲有水豆腐，无吃到，有点可惜。出来都四点几了，去吃狗肉火锅！火车上的靓仔话有间叫英子的出名，打车去咯，司机话个度有狗肉一条街喔，哈。仲有间韩城都几出名的。一个火锅四十元，仲有D配菜，生菜，豆腐，一盘狗肉，带狗皮的，一下倒进去，一人一碗饭，入面有玉米粒的，叫个服务生入来问距点吃，傻更更都唔醒目，真系啊。D狗肉同屋企的完全唔同煮法咯，相当于煲出来的，白灼甘，主要味道靠D狗酱。可能唔系好习惯咯，无吃得好惯，酱入面放佐苏子叶，距地讲的，个种味唔知点形容，似紫苏的味，又特别D。狗汤几甜的，再沟D狗酱，用勺子装D饭，再泡点汤，一口吃入去。。。值得一试的。。。好饱好饱。回去旅店休息咯，虽然早佐D，5点几，不过大家都累了。翻到去，同任玉出去打佐个电话问下啊洗山人长白山的情况，大家都系度猜测，又话危险，都有D打退堂鼓的意思了，不过我会坚持的，讲佐话来长白山的嘛，影都未见到就翻去，可惜啊。还是决定去。翻到去距地都睡着了，开住电热毯，几舒服啊，任玉又逼埋同我地睡，舒服，睡到七点几，距两个突然紧张起身，好似出咩事了。话任玉的一个网友，系天津坐飞机过佐来，想比惊喜距，一直系延大个度等住。啊，救命啊，其实系一件好值得感动的事来的，我以前都做过唔少啦。任玉好似好怕个样，唔知点处理，金迪好似要揽责任上身的感觉，因为系距男友的朋友，距要处理好呢件事。我的话，好似系见任玉个样，觉得快快解决最好，旅途中唔想出咩意外的事的心情。三个人快快就出去，出门前我仲交代老板，如果同个个人来租房，就话无房。见到个个人，当我透明的，招呼都无打，算啦，行佐一段路，仲话同距吃餐饭，距话要赶火车走了，一路都系同金迪讲野，后来送任玉一个钱包。呢个男的都处于好紧张的状态，我觉得。后来我都阻止距地送距去车站，打车都无送，系马路讲byebye就算了，金迪话会唔会过份了，好似我好怕惹到麻烦，沿路翻去我仲回头看。我话唔想比个男的任何幻想，决断D，可能真系有D过份了？小心D好，有D野我地真系预计唔到的。翻去话去吃烧烤，就我地三个，好好谈谈，见任玉心事重重甘。不过我就一直都唔系好赞同距又发相比人地，又成日约去跑车，实际距上网多我都看唔惯，呵呵。后来还是叫上思熠她们吧，大家一起吃开心啊，又不是谈心的好时候，大家一起，就会忘记呢D野。旅店后面就有见好出名的，东方烧烤，生意非常好，都八点几九点了，几乎满座。原来系吃烤肉的，无烤串，算啦，试下嘛。要佐一盘牛肉，一盘五花肉，又有一堆配菜送。仲有两支啤酒，冻的，好饮，思熠都饮三杯。个度的辣白菜觉得系最好吃的了。味道好好，比哈尔滨三千里都好吃。气氛都好重要啦。吃完翻去好好睡一觉咯。。。搭我地去吃狗肉的司机阿姨，仲介绍佐D吃烤串的店，仲有推荐我地去吃自助烤肉，啊，听落好抵啊，不过无时间去咯，试过就好。吃烤肉的时候同距地讲佐我的决定，晓辉就唔会去了，有小小迷信思想啦，无所谓的，距有自己的安排就好了。时间够的话其实可以去一下晖春呢个地方，延吉去个半钟，可以看到三国交界，不过去到就为看呢个，大家都谂住快爬佐山先，取消咯。。。

早上七点几起床，要赶下一场啦。万宝红旗村。买佐九点几的票。去吃个早餐先，任玉思熠要佐牛肉汤同一碗饭，我同金迪就吃琴日买的打糕。个哥哥仔话距地平时吃野比我地吃的辣好多，哇，佩服啊。坐佐两个几钟火车，落车，哇，之前打听时话好细一条村，真系好细，就系公路两边的一片房，左边的系红色的，都系饭店，右边的系蓝色的，民居。有个牌坊，写住中国朝鲜第一村，厉害。看来两个钟足够行完了。人影都无，影下相咯，后来有个阿姨跟住我地，要我地买邮票同钱，仲有人参哦，系移山参，从山上移植过来的，比野生的差，不过就比人工培植的好好多。不过对呢D野无研究，怕比厄，又唔好带，便都唔买了。买佐钱同邮票，我地几个压价压得好厉害咯，后来又有个细路叫买时话，有无搞错，甘的价钱都卖，邮票23，钱10元。距地话系淡季，呢个时候都无旅客，表演的人都系度排练，六月份开始有表演，淡季都好啊，野便啊，哈。仲见到有个碑，叫姐妹结缘，哈，好名。找地方吃饭，基本上都无人，找佐间，可以坐上炕吃，朝鲜炕，比起东北的矮好多。唔系咩大饭店，都系当地人自己开，无厨师，自己煮的，几好，甘先有屋企的感觉嘛。吃佐酱牛肉，米肠，炒蕨菜，米肠系D米加埋D猪血一起，灌入猪肠，可以啦，点D酱油吃。酱牛肉好吃。未来得及慢慢吃，车就来了，上车，走，出发去二道白河镇，长白山，我来啦～～～