[游记]九寨沟之行——第二站：黄龙

九寨溝之行——第一站：重慶

九寨溝之行——第三站：九寨溝

字号： 大 中 小

九寨溝之行——第二站：黃龍

2007年6月17號，系重慶經過一晚之後，一早我地就要準備飛去九黃機場啦！就落飛機既時候，廣播就話：地面溫度只有12度！下？！12度？！唔系呱？！我帶D衫好似只夠應付18度左右D天氣嘎咋bo！點算點算點算！！！一直問自己呢個問題~~不過落機前，著左一件外套之後，又唔覺得好凍喔~~

呢次好D，見到一個有帶住導遊證既導遊出現！but初級導遊證！都算啦，好過俾人賣豬仔啦~~哈哈~~

跟住就去黃龍山啦~~要坐成個幾鐘車啊！系急彎加山路啊~~就甘，車上有2個女仔頂唔順，一路都系度嘔~~搞到我都有D唔舒服！一落車，一股寒氣就拱過黎咯~~於是買住一罐氧氣以備不時之需！我地選擇先坐纜車，再行上山頂！系呢度要講，可能我地老啦，有10個後生仔女（D岩考完高考既學生），距地行上山嘎！黃龍山有4000幾米，我地坐纜車都系坐到2000幾米，再行多1750米先到山頂，距地行喔！勇氣可嘉！！！俾個服字距地咯！！！系纜車上面，我又再一次感受到東北人既熱情啊~~有4個叔叔阿姨，個樣就比較老咯，我差D想叫公公婆婆咯~~距地叫我地“小姑娘”，哈哈，仲贊我個F系廣東既都可以甘白~~又話我地瘦距地肥，甘可以平衡下部纜車喔~~哈哈~~

話甘快，到站咯！10幾分鐘車程~~一出纜車，就有少少覺得呼吸有D唔系好暢順，要吸大啖D氣先得！一路上，見到幾多奇花異草嘎~~個天落住雨，天雨路滑咯！好彩，一陣就沒雨咯！行左1750米，我地終於見到五彩池啦！！！於是360度環繞個五彩池影左好多相咯！個池又的確幾靚既，系鈣化池，含有大量鈣鎂離子，所以D水好藍啊~~又因為海拔高既原因，旁邊好多雲霧啊~~好夢幻既感覺啊！

但系一路落黎，好趕既感覺啊，都沒好好甘欣賞周圍D景色咯~~因為再唔落去，就會遲到咯！因為由黃龍山到九寨溝仲有3個鐘車程啊~~聽到都想暈咯~~一路上，見到好多耗牛同綿羊啊~~好可愛啊！山好綠啊，又有好多小黃花點綴系綠草裏面！好舒服啊~~行行下，周圍變得好朦朧啊，因為已經到左山頂，我根本見唔到窗外有D咩~~個司機竟然見到喔，好勁啊~~但同時我都好驚嘎！後黎D人話見到有雪山，我就睇唔到咯~~可能我合埋眼休息緊呱~~

經過3個鐘車程，到九寨溝都9點幾咯，果餐晚餐真系好差咯，雖然個個都話果邊D飯菜唔好，但系，一餐送先得6塊雞肉，10個人食飯，你又試過未呢？！扒左幾口飯就打算翻去沖涼訓覺咯~~點知，等待我地既系：廁所沒門，地板邋遢，天花板可以推開爬到另一個房間，有老鼠既跡象……總之2個字：唔掂！或者：惡劣！系呢度，再一次要佩服D岩高考完既高中生咯！腦筋轉數快！距地聯合我地一起穩導遊換酒店，準確D講系客棧換酒店！經過一輪旅行社——導遊——旅客之間既辯論之後，終於系12點幾，我地羅住大包細包，摸黑去左另一間比較滿意既酒店咯！第二朝要去九寨溝，又要早起~~哎~~唔夠訓啊！！！好彩我地系間客棧度已經沖完涼，去到新酒店，就訓咯~~但系果陣都已經12點40分咯~~眼訓si啦~~