[游记]广州之行

广州之行0704 - []

Tag：

今次去广州纯粹意外，因为有同学平价出售车票，加上小明同阿叉极力游说，所以临时决定去啦！
去广州就当然有人包吃包住啦！阿叉屋企真系好舒适，地方吾算大但胜在五臓俱全，好干净，最重要既系有得叹空调！去距屋企当然仲认识埋距谭家两老（两宝）啦！估吾到都一把年纪咯仲甘吹得水，笑到我几乎喷饭！而且去阿叉屋企可以悭翻好多繁文缛节，同距屋企人相处，吾使扮乖乖女，完全可以好CASUAL！
第二日，小明、阿叉同埋我就去左唱K啦---今次广州之行既主要目的啊！大家千其吾好觉得我怪胎喔！唱歌其实都系一种发泄！嗌完之后你会觉得身心舒畅，将吾开心既野都抛诸脑后！而且，大家实在有所不知啦！珠海既K房不是一般垃圾！一杯白开水都要8文，无野吃，服务态度恶劣，D歌又旧到我都吾想话距啦，有D连MTV都悭埋，甚至乎连SHE都无，最抵死既系要晚上8点先开喔。一个字：捞！
而广州既K房呢就简直系天堂啦！早上8点已经开门。我地11点去到，一直唱到下午3点，3条友霸左间8人大房，连埋全天候BUFFET，加上亲切既服务态度都只不过系每位21文炸！真系抵到烂啊！D歌劲新，吾岩KEY既话仲可以降调喔！甘大个女都未试过唱K唱得甘爽啊！
之后我地仲去左行街添，因为实在稳吾到仲有乜野好做啊！经过“苏豪”个阵，突然醒起，我都系时候换个发型咯！索性就入左去“做头”啦！矫左形，剪个斜荫！有史以来最满意既发型啊！哈哈哈哈哈！
第三日就杀去大学城稳阿华啦！距带左我去参观东校区图书馆！正值考试期间，所以里面满座，比珠海既图书馆更加安静！不过我对里面既藏书比较感兴趣啦！藏书量虽然比珠海既少，但系好新，都系近几年出版既，好多全英文版本，连语言类既诸如韩语、西语都有，呢D书放系东校区简直暴殄天物啊，因为距地根本用吾着，不如比我地翻院好过呢！五楼仲有哈佛大学既赠书，可惜吾比外借！细心翻看哈佛大学既赠书，发觉虽然明显已经比人睇过好多次，不过里面无任何笔迹、折痕，保存得好好！哎，何谓素质呢？由此可见一斑啦！系呢度，建议大家不妨去洗劫下东校区既图书馆，WORTH READING INDEED！
中午12：30，怀着满载而归既心情踏上归程，虽然袋子空空如也！