[游记]天水围游记

等放工冇野做好, 寫下BLOG先. 上星期日我同隻熊去左天水圍. 個朝早起身先去新港城會合隻樹熊同老媽子同肥丸飲茶, 難得的是肥丸冇乜點食野, 簡直係少有. 之後我地就搭車去目的地出發了. 原來由馬鞍山去天水圍真係好快架, 話都冇咁快就去到我地的目的地天富苑了. 今日我地約左阿榮同carmenli去睇示範單位, 個度無論大單位還是細單位都比愉翠苑實用, 價錢仲平一大截. 但我個費安娜公主又想住得近d 佢父王同母后喎, 雖然馬鞍山同天水圍車程都好近, 但佢都話唔及行路近同方便喎, 都冇解. 睇完樓我地去左食晏, 之後去左濕地公園. 原來所謂濕地係咸淺水交界的地方, 一句講哂即係沼澤啦. 個度見到唔少祖國同胞, 我真係覺得好奇怪, 其實濕地公園我覺得係起比我地呢d係石屎森林長大的香港人睇的, 其實入面d景觀同郷下或大城巿的近郊有九成似, 我真係唔明佢點解仲要比錢離睇呢? 行下行下就已經夠鐘閂門了, 本來我同隻熊原本諗住返屋企食飯的, 但點知佢又為食根起, 最後我地一行三人一熊去左流浮山食海鮮. 我地四個人唔係食左好多野, 只不過係有蝦有蟹有鮑魚有花甲有菜有肉有湯咁囉, 埋單每人百五蚊啦. 味道都ok啦, 係鮮味左d咁, 都可以啦. 食完之後我地就去左元朗搭車返屋企了, 總之眨下眼就到啦

新增回應

引用

上一篇下一篇

回應(6)

樹熊 2007/03/14 12:50:48

檢舉

" 噓!唔準咁狼！"

波波 2007/03/13 11:42:43

檢舉

你個broad幾時變得咁攪笑o架?!

我係公司一邊睇，一邊忍笑忍到陣，一邊笑到標眼水......