[游记]日记 Ipozu.爱蒲族社区潮人娱乐资讯新天地、关.

阿婆都讹人钱??

2月7日 天气: 睛

阿婆都讹人钱??

咩时世啊?? 阿婆都出黎讹人钱~~,真系无阴功咯......!!

今日返工, 一路急急脚行去地铁站, 突然一个阿婆行埋黎, 同我讲 " 姐姐啊, 我岩先卑人鉗（偷）左个袋d钱，你可唔可以卑5蚊我搭车啊．．．＂　呢个阿婆睇长落衣着光鲜，孭住个皮包，罗住个买送咖购物袋，纯正咖广州口音．　当时我一d都无怀疑，距系果d系街市买送，　唔小心卑贼仔偷晒d钱咖阿婆．竟且，　我平时都有听阿妈讲，有d阿婆阿公去白云山晨运，卑人抢晒d钱搞到要行路返屋企，　好惨．　况且，　距又唔系问我罗得多，　5蚊之嘛．于时，　我毫不犹豫将我袋系衫袋果十几二十蚊罗出黎，从中抽左张5蚊卑距．　就系呢个时候，　距急急手收左我5蚊，　即刻改口，＂姐姐，　卑10蚊啦．．．．＂　我啉住，　10蚊就10蚊，可能距真系5蚊返唔屋企．　于时啉住卑张10蚊距，　距会卑返张5蚊我．　但距竟然又罗埋我张10蚊，　同我讲左声＂好人有好报啊．．＂噤就转头走左啦．

哗，　当时我先意识到呢个阿婆系讹钱咖！！真系岂有此理！！本想转头追距咖，　但又啉，算啦，阿婆姐，　由得距啦，10几蚊．可能距真系仙都唔仙过唔到今日哩，咪当就救左距一日咯．况且，睇下个钟要迟到了，只好直奔地铁站．　

返到公司，　仲系迟到，　又卑人罚左10蚊．　计计埋埋，今日返工仲贵过搭的士啊～～！肉痛．．．．
我都系想做下好心姐，点会搞成噤咖．．．．．
呢个社会仲有咩系可信咖？？连阿婆都做d噤咖野．．．．．．