[游记]香港新界旅游景点介绍

清幽雅致青松觀香港地, 供奉呂祖既廟宇有好多, 但當中要數香火最鼎盛既一間, 答案必定係位於屯門既青松觀. 據說, 呂祖係得道成仙前, 係一個功名心頗重既人, 曾經兩次投考進士, 但係兩次都 [肥佬], 所以成仙後, 對求學業, 家宅既信眾特別關照, 呢個亦係形成青松觀有咁多後生仔女同主婦黎祈福既原因.

青松觀共有三個出入口, 其中係正門有多個擺賣香燭風車既檔口仔,佢地既售價一般都係貴過市面少少, 對唔想大抽細抽去拜神既人黎講,係過唔錯既選擇. 廟內設有求籤同解籤既服務, 解籤桌約有五, 六張, 輪後時間唔長.

其實, 青松觀係一間非常適合一家大細去拜神既道觀,因為觀內地方大,亭台樓閣裝飾得美輪美奐, 年紀大既公公婆婆可以係涼亭坐下, 作福求神既朋友可以拜神及求籤, 小朋友可以係池塘邊睇下魚仔, 大家搞完一輪, 肚仔餓,又可以坐埋一齊食齋, 但係有興趣食齋既朋友, 最好早的到, 因為好易滿坐.

前往方法:

九巴 66, 66M, 66X號到大興村, 再行15分鐘就到, 或搭輕鐵,青松站落車.

我剑划破长空！那一霎那成为灵魂与肉体的分界线！