[游记]金鱼街MJ日记簿

噚日放工坐機巴回家，咁橋曦爸爸收工响city one落車，所以可以一齊轉車返屋企！

又因為噚日兩公婆都收早，為免又要對住"外國人"，所以帶咗兩個小寶寶出旺角食tea同逛下，費事成日屈响沙田咁悶喇！

坐巴士出到去，Marko哥又好悶咁提議食壽司，廿四孝嘅曦爸爸當然會俾小男孩實現佢嘅要求喇！

就係咁，響始創中心揾咗間北海道活壽司坐低，食Marko最鍾意同唯一食嘅玉子壽司了！而Jacey就食咗佢第一件三文魚壽司，因為三文魚上面有d魚卵，佢好喜歡呢種食物，為咗食魚Baby，所以試咗生平第一件三文魚壽司。

食飽飽之后，行咗去金魚街睇魚。

兩個小朋友好鍾意d魚，重想買返屋企養。睇下佢哋對d工具幾好奇！

可惜，一來之前試過【極速死亡事件】，http://hk.myblog.yahoo.com/marko-jacey/article?mid=3970，二來屋企地方細，跟本無地方擺金魚缸，所以只可以响舖頭欣賞吧！

也因此，影咗呢張珊瑚同Nemo相俾小寶寶們回家欣賞吧！