[游记]日本游记五

8月19日

七月六号 奈良一日游

7：45分起身，天阴阴，好在无落雨。8：20分左右落到大堂，见到一大班同学仔准备出发返学校，跟住一齐搭3号巴士返学。返到去未够钟出发，先同Yang系学校门口影相。今日离左个香港女留学生帮手翻译，另外仲有4个架妹同我地一齐去。9点15分起程，途中同D架妹倾下计，影下相，搭左个几钟头车，10：30分到达奈良最出名既东大寺。

门口有好多奈良最出名既动物--鹿，我对鹿无咩好感。跟住全部人系门口影集团相，个个都俾部相机新离果个香港学生影，二十几部！摆pose摆到攰，攰到抽筋！无晒表情，到自己部机先笑。有两个钟头自由时间，先系寺旁边个水池仔“笔”水饮，饮左啖搞到有D唔舒服添！系门口装左注香，日本人既习俗系将D烟拨向自己个头，话会聪明D。东大寺内有座好大既佛像，系日本国宝，其实无咩好睇，中国大把啦！入面其中一条柱下面有个窿仔，D架妹话如果穿过去会聪明D，咩都话可以聪明D。典子就成功穿左过去，厉害！影左几张相，好快就睇完。之后买左D手信，明信片（500yen），得意公仔（400yen），交通安全符（250yen），恋爱符（350yen），帮Vincent买左3件T-恤各1000yen。

旁边就系奈良公园，所以顺便行左下，兜兜左个圈影左几张相。之后系停车场旁边既手信铺买左盒唔知八桥咩既出名野吃---绿茶豆沙饼（315yen），味道都可以。跟住去奈良市内一间餐厅吃自助餐，成2500yen一个人，都几贵，野吃又少，好在学校出钱。倾下计，影下相，2点半左右就出发去法隆寺，3点钟到达。好晒！热到抽筋！又要系门口影集体相，又二十几部相机！好在有架妹拨下扇！法隆寺门票都几贵，1000yen一张，团体都要700yen，最贵呢度！好在又系学校出钱！入面D建筑物一D俾入一D唔俾入，全部入面都唔俾影相，国宝级重点保护，米又系D烂残寺院！都系果句，中国大把啦！所以架妹都知我无咩兴趣睇，距地都知中国仲多仲靓。以为净系得个院仔，三座野就1000yen，原来旁边有个博物馆，再过D仲有个梦殿。不过4点要走，行唔晒，净系睇左个博物馆，入面展览D文物，佛像，仲要好多都系中国既！睇完系个休息室买左杯梅子汽水（100yen）。4：10分坐车返京都，系车度训左一觉，好快就到左学校。巴士司机好有礼貌，上车落车都企系门口鞠躬，讲多谢。