[游记]冲绳

3月4日

2008 -

位於日本南面, 台灣隔離, 唔通就係小丸子成日話要去渡假既南方小島?

由於近機場既關係, 落機直奔Asibianaa Outlet mall, 裡面有Addidas, Feragarmo, Marc Jacobs, Armani, Vivienne Westwood 等等大牌子, 係就係幾抵, 好可惜大部份都係賣衫多, 手袋同銀包就少d, 所以收獲唔算豐富~

然後返左機煬轉單軌電車返酒店, 酒店同國際通大街好近, 5分鐘可以行到, 而且仲幾靚仔添!

第二日去左最近市中心既海灘-波中海灘, 實在...幾失望, 因為真係好細, 而且風景亦麻麻. 好彩海灘上面有個寺, 叫波上宫, 都可以參觀一下.

然後去左首里城公園, 响門口研究係唔係要買飛之際, 有個女人見我地講廣東話好開心咁問我地係咪香港人.

原來佢都係响香港黎, 但係依家住响沖繩, 由於好少香港人黎, 所以見到我地好開心~ 佢話個首里城城跡好細, 係仿唐朝風格建造既宮殿. 曾經俾火燒過, 依家見到既係重建既.

仲話如果去過北京, 個宫唔睇就算啦, 响周圍公園行吓好過. 佢都係因為帶朋友黎參觀先黎咋喎~ 好, 唔該哂! 咁就飛都唔使買, 慳返~

然後去左美國村同sunset beach, 環境好過之前個海灘好多. 由於星期五既關係, 所以無咩人. 天氣有d凍, 無得哂太陽實在可惜~