[游记]泰国游记机上与抵步后

我坐既係經濟客位的31號A，係窗口位黎ga~坐定之後無耐，已經準備要起飛啦!!!而呢個時候阿婷就不斷係我耳邊起勢咁講：「好緊張....好緊張呀!>x<」，不過我只係係度好努力咁睇緊本"Play!"

當架機起定左之後，我就決定睇下呢個電視有咩睇，跟住見到有戲做，原來係阿Van兄套"猛龍"，於是我又好努力咁睇電視啦!!睇到一半就係時候食傳說中的飛機餐，點知原來真係同傳說一樣難食~~(嘔~)

唔知係咪夜晚風大，成程機裡面總共遇過3、4次氣流，好彩終於差唔多到啦，太好啦!!!

臨落機前，我就捉住個機姐影相，原本我諗住比大家睇下佢地套制服ga，因為我都覺得幾得意~~係中四、五讀旅遊的年代嗰陣，已經知道某D航空公司喜愛用自己國家的民族服裝作為佢地的制服，而呢套衫的設計概念係黎自《孔雀》，而且仲露肚添~

落左機同埋搞埋哂D入境手續之後，已經係當地時間的9點40分左右（註：泰國慢香港1個鐘），跟住就搭旅遊巴返酒店，然後要自己出去揾野食，我地係一條小巷食左一碗泰式义燒面。

（