[游记]7月12-13日庙湾之旅

2008年7月12日，我们终于启程到咗恨咗好耐嘅远离大陆嘅海岛——有中国“马尔代夫”之称嘅庙湾岛旅行啦！

一个星期前，我哋已经通过旅行社预订咗去庙湾嘅船票。（现在去庙湾岛，一定要通过旅行团体代办，否则自己根本无办法约到船前往）。

12日朝早6点钟，我哋五个人一条狗在广州珠江泳场门口集中，整理行李之后，大约在6：20分左右出发。经广州晓港快线——洛溪大桥——迎宾路——华南快速路——到中山之后上京珠高速——到珠海后转S111国道——情侣路——珠海香洲港客运码头（即糸去东澳、伶仃岛上船个码头）。9点钟正式登上伶仃洋8号船。虽然一路上风雨飘摇，4个小时嘅船程都糸横风横雨，淋到大家都湿晒，但当我哋落船登陆庙湾岛嘅时候天公作美，竟然天晴！真糸太开心啦！

大约中午1点钟，到达庙湾岛。先在最近码头个间餐厅食咗个午餐，接住两日都在海滩上过啦！

提醒大家：

食：我哋试过岛上两间餐厅，发觉都糸最近码头个间餐厅最抵食同埋最好食！我哋今次无带用具去烧烤，但如果再来庙湾岛，我一定会带上所有工具在海滩烧下烤，煲下海鲜汤（当然海鲜要自己谂办法捉）！如果非要在餐厅食，鱼仲可以考虑，因为糸生嘅，其他……，自己谂过啦。

住：大家都糸住帐蓬啦，唔好住岛上嘅民居啦，苍蝇到处飞嘎！

玩：在海滩自娱自乐，游下水，晒下太阳，爬下山，捉下鱼虾蟹咁啦。

饮水：最好就自带饮用水，虽然岛上有食水，但我哋视察过佢哋嘅淡水库，都糸庆幸自己有带饮用水。

但我哋在海滩游水嘅时候，发现呢个海滩有人工成份。有好多一个一个嘅纺织袋包住沙，在海底！而且我哋觉得呢个沙滩嘅沙大部份都糸人工堆砌嘅，唔糸天然海水冲刷出来嘅。或者糸我哋多心啦！另外，因为现在去旅游嘅人已经好多，但岛上根本未被开发，所以生活垃圾全部都无被处理而直接排放落海，非常唔环保！

总体来讲，庙湾岛感觉好一般！