[游记]沙巴山打根游记-2007年5月17日-山打根区-「风下之乡」.

沙巴山打根遊記 - 2007年5月17日

2007年5月17日 - 經澳門坐AirAsia去亞庇

今年1月，AirAsia送免費飛機票，幸運地取到了澳門<>亞庇和亞庇<>山打根(Sandakan)的機票，雖然要付機場費和燃油附加費，但都算平。5月17日一早便去了上環碼頭，先到吉野家吃了個牛肉飯早餐，再經旅行社買了10時35分的船票，旅行社買飛比經船公司買飛平了8元，入禁區後，劃船坐位，正式開始了馬來亞7天體驗之旅。AirAsia在5月頭改了由亞庇去山打根的航班，由每日2班變得返得一班，結果為了行程，要忍痛不乘AirAsia去山打根，要付錢乘馬航，要多付300多元。

香港去澳門的船期好密，每5分鐘就有一班。原來船票是容許上班船有位的話，可以候補上位，不過見唔急，無趕船。上船坐定，大約1個小時便去了澳門，都成9年無去過澳門，無印眾係點，最記得上次去是澳門回歸前，晚晚有人燒電單車，仲記得有炸彈。落船後過澳門移民局時有好多人，大約要等了半小時，終於過了關。用港幣一元在新碼頭的公眾電話致電給澳門的香港朋友，相約到他們的辦公室等。集合後去了金沙食自助午餐，幾多野食，不過又唔係好特別，唔似到如網上講咁好。吃完後，和朋有告別後去機場，本來見仲有時間，想平平地坐AP1巴士，但個巴士站有張告示話改了路線，不再經呢個站，但經金沙賭場，行去金沙賭場，但都找不到巴士站，結果放棄了，坐的士算。但見個的士司機，駛回頭路，駛回碼頭，再用碼頭後的大橋，前住機場，車費供60元。澳門機場奇實幾細，機場酒店就只隔一條馬路，真方便。

AirAsia櫃位做Check-in時，要留意AirAsia穿倉行李每人只有15kg，比一般航空公司的20kg小，要留意。Check-in後，一樣會有登機證，但個登機証只是兩張好像你去超級市場買物後給你的收條。一早都知AirAsia是不劃位的，位置是先到先得，但和一般的航空公司一樣，老人家和小孩是可提早上機。不過，AirAsia識賺錢，如果你付出多點錢買個叫Express Check-in，一樣可以早上機。上機後，選了近緊急出口的位置，可以伸腳，但個位就無得傾斜。因澳門機場都行了個新規定，唔准大過100ml的液體上機，無買到水，幫襯了AirAsia買支水，多謝4馬元。不知不覺就3個鐘，飛機好快到了亞庇，AirAsia飛機唔似港龍和馬航，她是停在機場的Terminal 2。現時只有AirAsia和FlyAsiaExpress(FAX) 兩間公司用，取行李都算快。

到了移民局，有料到，有野發生，有位妙齡女士站在我的身旁，唔到路，驚覺性話我聽，要小心。原來她不懂填入境表，她是來自內地湖南的，幫手填表，無問題，但她不清楚自己個行程，連酒店都唔知住邊間，同佢作了住Nexus，實無問題。我就好快已過了關，但她就弄了好久都唔得，見原來有幾位女生都有問題，想像一下”有數位手持中國護照的妙齡女士被馬來亞移民局拒絕入境” 的情況，見有約5位華人女士(仲係妙齡個隻) 坐了入去辦公室，見移民局做了久都終於放人。不過唔代表順利離開機場，海關要查行李，仲係每一個人都要開行李睇，只有耐心等待，不過都查得好其奇，開開就算。終於出了禁區，正想怎去訂了的Hostel時，見我個名，Hostel派了人來接我，有”免費車”，正。在車上和司機談天，他原來是Hostel老闆，車了我到Hostel後做手續，原來個程車是要收費的，收20馬元，都幾貴。

放下行李後，出動找食，本先想食味雅雞飯，不過太晚己收了鋪，去了” 廣東仔”吃肉骨茶，加了可樂，共11元馬幣。行去海旁，見有個市集，中間位置有好大煙，行去睇睇，是賣燒雞翼的，買了4隻，一路行，一路食。行了去海皇城，便行轉頭。明早一早便要乘馬航飛機去山打根，要早點睡，回Hostel便上床。

<<我是從香港來的，文中有部份地方名是香港/澳門的>>

來補充一些資料
吉野家:一所由日本來的連銷店，主食是牛肉飲飯。
金沙：澳門其中一間賭場，內中的自助餐，網友話是好好吃。
由香港去澳門，正價船票要138港元。
澳門雖然有自己的貨幣，但港元在澳門通用。
AP1巴士：機場巴士，經港澳碼頭、機場、拱北關。
上環：香港，有碼頭可乘船去澳門。理