[游记]马湾之行

馬灣之行

見咁多師兄師姐都講我又講返個先,早幾年學玩磯咁同兩個fd聽人講去馬灣有

d好野釣,咁我地3條友咪去買粉買餌買糧水出發lor,我地大概7點幾去到馬灣碼

頭等街渡(當時X麗灣都未起好)入到去由於第一次入唔知去邊釣好,3個人睇住

個地圖牌你一句我一句咁講ge時候突然我見倒東灣,好似幾吸引咁wor,問過大家

都話好咁咪諗住好行得,但係....點去ga....由於當時都以成8點多d倒,但真係冇乜

人想問都難,唯有睇住d路牌行住先啦,之後見倒前面廿幾尺有個大概十幾歲ge男

仔同幾隻狗玩緊,即時上前問:唔該請問東灣點去ga,佢只係指住向山果邊一路行

就得喇咁.我地心諗好彩撞倒有人問ja,之後經過依家X麗灣隔離果條村同地盤都

係好靜,行下行下見倒有條路一上一下,咁我就諗我地要落海邊梗係向下行啦,

點知一行入去都唔夠兩分鐘我見倒ge係大量金塔......我即刻自己講,唉唔好意思

我地只係諗住釣魚ja,行錯路唔好意思....即係另轉頭同兩個fd行返出去.。之後

唯有行向上條路啦,但一行上去冇耐就見倒有個兩層四位ge白色墳頭.我地3個

你眼望我眼即刻一齊講唔好意思可能我地比人整蠱冇心打擾ga咁即時轉身行(但

因為我入果陣係行先所以走果陣變左我行尾)行得兩步我突然聽倒有把女人聲...

等埋我呀唔好走住啦.......我當堂起晒雞皮打冷震但係見佢兩個又冇反應,可能

我聽錯je.點知又聽倒果把聲.....咁環境唯有扮聽唔倒,但一路行之前好靜ge地盤

突然有4~50隻狗走左黎向住我地不停咁吠(可以用想殺人咁惡黎形容),好在當

時仲有果d地盤圍欗隔住,3條友又唔敢跑,跑就怕比狗追,到行到村左近發覺d狗

冇跟住我地,但仲向住我地後面吠緊....唔理咁多喇出到碼頭先算喇,—到碼頭我

問佢兩個頭先聽唔聽倒有人叫我地,佢兩個都話冇,但就突然起左陣雞皮.之後就

比狗圍喇.......我同佢地講返之後幾條友只係不停啜煙希望快d有船走ja....

所以到依家都冇去過,不過問過人原來去果邊真係要經過墳場,一係就叫大頭去

啦.

本帖最近評分記錄