[游记]bebe要学习大方一齐来分享何家日记啦

呢兩日你好曵曵,真係想打你一身, 琴日爸爸媽媽結婚週年先至去撐枱腳咋,其實都好掛住你架,所以都盡早返屋企陪你玩,你可能等咗好耐爸爸媽媽先返, 所以呢晚唔肯瞓, 最衰你眼瞓就會發脾氣＋扭計，媽咪忍唔住fit 咗你幾滕，未打你已經喊定先, 有無咁淒涼呀，果個樣都幾好笑，等媽咪下次拍底去留番你大過仔睇先，認錯忟耳仔下次唔敢，呢招你最叻架啦，果刻媽咪真係唔捨得打你,但唔打你又唔得喎,會寵壞哂架!! 最終呢晚你只肯同亞婆瞓, 唔肯同爸爸媽媽瞓, 真係咁小氣???

今日媽咪遲咗返,爸爸話媽咪返嚟啦~平時你會好開心走出嚟迎接我, 今日你個衰豬采都唔采,仲要座係梳化度對眼就望上天花板,果個衰樣真係又想打你一身,好似好不滿媽咪夜返咁喎~ 枉媽咪今日特登去花園街買咁多嘢比你!! 媽咪太了解你啦, 只係講咗句~ 睇吓媽咪買咗咩比你~ 你就即刻咩事都無lu, 打回原形, 仲續一續一試新衫添, 換完一套又去照鏡, 仲唔肯除以為自已好有型添~~~

~~今日晚咗2條褲 2件衫 1件褸 仲有條口水肩 ,成為3百蚊~ 都算幾低啦~~

就係呢套衫著到唔肯除, 好老積呀!! ~~ 呢件褸媽媽覺得你會好鐘意, 因為似電單車衫啊~~