|
长沙游记vol.2 我都知我好懒架啦,依家咪继续咯,all right? 话说我卒之去到市区,但系楼海茫茫,点知间雅礼中学系边咩。呢个时候,对于一个外地人,最好既计仔,梗系call taxi啦!岩好面前就系长沙火车站,有几架待客既taxi系度,我端详左一阵,拣左架好样d既上。“去雅礼中学多少钱呀?”“二拾五块。”我捻下先,系拱北去一中都系廿几蚊,呢个价钱应该合理吧。正要叫渠开车,突然发觉渠无打咪表,于是咪问渠点解咯,点知渠突然话“打表?下车下车!”跟住仲竟然赶我落车!Damn!玩野啊?东家唔打咪打西家咯!点知周围果几架都系甘,净系讲价唔打咪表…甘无稽?带住呢个疑惑行左两个路口,举手截左架的士,今次学精左,一上车直接话去雅礼中学,个司机直接打咪表开车。到达目的地,¥9.3…原来如此…… 到左雅礼,跟住要稳老豆帮我订左房既hotel……厄,好似叫…咩“大华宾馆”,真系个名都捞过人。就甘稳都唔系办法,岩好口干,于是就去左间士多仔度,买野兼问路。揸住支“蒙牛酸酸乳”(通街都系呢样野既超女广告),我弹左句“几钱?”出来,但系好耐都无人应…我周围望望,见到个老细疑惑个样,先知道原来自己讲左广东话…真系唔好意思啦,唔记得左呢度已经唔系我的地盘,唔会听我的。跟住老细好好人甘指点左一轮…稳到你啦,大华! 间野唔系好大,睇得出曾经辉煌过,不过有d旧啦。同个柜台姐姐倾左阵,发觉原来有好多同龄人系度住,竞争大吖~~~去到间房,突然醒起,个姐姐好似无比锁匙我窝!咪住,渠比左张好怪既卡纸比我,而且度门似乎无锁匙窿…咦?张卡纸好似内有乾坤,经研究,原来入面有一旧胶片,上边有一块铁片…弊了,d甘复杂既野,点用既呢?无理由跑翻落去问人甘瘀架。唉,随便拿住张野系个门把度扬下扬下,都系唔店当窝!好彩隔离有条友准备入门,我汲实渠既动作,卒之发觉,原来要拿块胶片出来,对准门把上既灯仔(之前完全无发觉呢盏甘细既灯既存在)几秒,门就会“di”一声甘开。顶,又会搞d甘先进既野都有架……哇,竟然系双人房,浪费左d窝,好啦,离电视远d果张拿来摆野啦!呼,终于可以休息一阵啦,下昼仲要报名…ZZZZzzzz……
|