景点首页 |  北京 |  上海 |  杭州 |  南京 |  西安 |  广州 |  深圳 |  苏州 |  国内景点门票价格大全 |  游记
票价搜索 > 旅游景点 > 游记 > [游记]长沙游记

[游记]长沙游记

2007-07-16    live.com

长沙游记

久候了~我呢个懒人终于有机会系呢度追忆一下我三日既长沙游了。

点解我会系高考前甘紧张既一段时间去长沙呢?其实……系因为有一个北外既小语种考试机会,岩好稳上我,而且北外又系我dream college,于是就去咯。好在长沙有考点,唔系去到北京……机票都蚀死……

临行前执野,个背囊塞到满晒…哎呀,差d漏左最重要既相机。老豆送我到机场,登机厅前唠叨左一番…好啦好啦,话晒我都成年左咯,有d野,唔使重复啦。 系候机室无聊,发一通“我走啦”既短讯比人,台机成日断电,真系想劈落地…就系我努力打字果阵,身后传来“唔好意思…”既声音,我一转头,吓一跳!一个鬼佬“映入眼帘”…之所以吓一跳,系因为果句“唔好意思…”发音太标准了,完全无估到会系一个鬼佬口中出来。犹豫一番,我马上以自信既语气用英文同渠交流,费事渠讲中文甘辛苦,以表现我地中华民族既好客之道~原来渠想知我坐紧既候机室系咪去上海,而我记得我系按广播入既,应该系去长沙既无错吖…突然,一个清洁阿伯甘个样既人行过来,话去长沙既候机室变左…顶,又唔早讲。

卒之上机,发觉台机好细…一排先4个位,每两个中间净系得一条岩好可以比餐车过既走道。全程唯一既感想:逼。

一落机,发觉呢个机场比起珠海果个…更似一个长途车站。搭入城大吧,向长沙城进发!途中,见到蔡依琳既巨幅“ayaya”广告,搞到我放低左正要送入口既面包…跟住,我见到!估下我见到d咩…我见到一间叫做“旺旺”既医院,正想话呢间野做乜好改唔改,改个狗名,点知…我见到医院内所有建筑物都有一个好鬼大既…“娃娃图”!(即系“旺旺仙贝”果个四肢展开既细路…)天~~

转自:http://bennnis.spaces.live.com/Blog/cns!E4F3F28EF5D04366!223.entry189阅读

游记文章由机器自动选取,来自其它网站,不代表票价网观点。

网友评论:

共0篇回复 «上一页 下一页»
我来评论:

主要城市景点票价查询 · ·


搜索2万余景点信息
关于票价网 | 景点查询 | 地铁查询 | 站务论坛 | 网站地图
© 2006-2020 piaojia.cn, all rights reserved 京公海网安备1101000238号 京ICP备14045893号 联系我们:dnzm9@hotmail.com