[游记]泰国游记之SAWADIKA

2007/8/23

SA WA DI KA

Sa wa di ka，泰文，means "how do u do?"，男女发音唔同，男音为Sa wa di cup，而且男性将双手合埋放系面前，女性系放系胸前，导游话系因为女性要将自己嘎靓样show出离喔～

5:00 am,17 Aug 2007, 身平第一次甘早起身坐飞机，出佐屋企，个天灰朦朦的，去到亚洲国际酒店对面间M记隔离坐空港快线，体现凌晨既广州。好兴奋吖，第一次出国，而且仲可以坐飞机（我唔系因为有得坐飞机而兴奋，而系我中意去机场，同埋中意睇飞机，同埋中意起飞既感觉，同埋。。。。我可以见到机师，型吖，系临走前一晚系hotel见到大韩航空嘎鬼佬机师，系机场又见到喔，正吖！！好鬼欣赏呢份职业嘎姐！moreover, 机师坐系飞机之头同我地见到既景同埋感觉系唔一样的，就好似扎车同坐车都唔同啦，可惜我呢一世都无机会体会到！）。

大皇宫 玉佛寺

本来都有少少怕自己会晕机，因为一直怀疑自己有幽闭恐惧症，都好，来回都无事，仲可以睇下报纸添。一到bangkok，就去食饭，讲真，第一餐真系唔多好食（其实真正既泰国菜都唔好食）。之后就去佐大皇宫－－grand palace，除佐人多仲系人多！仲要撞岩当地既学生去参观！不过，个皇宫真系好正！好壮观！虽然占地面积唔够故宫大，但系金壁辉煌，金光闪闪，而且D塑像都好精致！入边有个玉佛，又到讲估时间：话说，系大概1000年前，泰国人就系地下掘到个泥人，距地相信系好古老嘎佛，就供奉距。过佐几十年，个供奉台“霖”佐，点知，个泥人烂佐喔！点算咧？泰国系一个佛教国家，有9成人都系信佛，个泥人烂佐喔，一定唔好意头啦，距地好鬼惊，惊到囤囤转，搞到个地下穿佐，都唔知应该点做先可以弥补距地既过失，系呢个时候，有个救世主出现了，距帮助呢班无助既泰国人渡过佐呢个难关，从此以后，泰国人就世世代代供奉呢个救世主。相信大家已经估到，无错！呢个救世主就系我啦！哇咔咔！

呵呵，纯粹娱乐下大家姐，真正既估系个泥人烂佐之后就发现系个玉佛喔，但系呢个玉佛亦都带比泰国好多战争，同老挝，同缅甸，因为距地都觉得得到呢个玉佛，就会风调雨顺，国泰民安，不过，个玉佛经过一番波折，都系翻去泰国手中，最后，泰国国王就将距供奉系宜家呢个大皇宫入边，一年亲自帮距换三次衫（因为泰国只有三季），3－6月为热季，就帮距着一件好凉爽嘎用红蓝宝石做既好透风既加沙，7－10月为雨季，件衫就系纯金的～！到11－2月，就系凉季，就着红蓝宝石加金！真系做佛好过做人了！

个大皇宫以前系皇帝住既地方，宜家因为要开放，所以已经另外起佐个行宫咯。系相册入边，有个special bridge，个桥系拿过国际个唔知咩奖嘎（无认真听导游讲，hoho），好威嘎！

然后就坐快艇，游距地既母亲河－－湄南河，D水就真系同珠江差唔多邋遢啦（系咪母亲河都系比较邋遢咧？）不过，距无异味，无白色垃圾，无油，而且好多鱼，不过只有中国个寺庙前面，距地称之为“圣鱼”，先会出离食面包，导游话－－“做善事”喔，一条面包20Baht，相当于5蚊RMB啦。

骑大象

D大象奴，真系好辛苦，D大象，就更加辛苦！大象奴多数都系离自柬埔寨，生活好清苦，仲住系茅草屋，唉，真系！我地个大象奴好鬼好啊，落去帮我地影像啦，仲影好多张，距仲叫我坐去大象个颈果度，本来我都想试下的，不过当我半企的时候，我完全唔知点样行落去，所以最后都系放弃了。我觉得妈子比距个tips少佐D咯，20Baht，距D service几好啊，应该比多D，可惜我经济未独立！