[游记]澳门行

10月11日

-

這天一早起身，總係覺得瞓唔夠，唔願起身，但係無奈俾最早瞓果個搞到唔起唔得。接著收拾行裝，又要開始一天的旅程了。講真，間房呢晚真係好貴，成點先check-in，十點便check-out了。諗起以前去宿營，總係要鬥夜瞓，唔反到天光都唔捨得瞓呢~

第一站，食早餐。來到澳門，當然要幫襯瑪嘉烈葡撻啦。雖然我向來對吃葡撻都冇太大好感，總覺得佢油油的，但來到點都要食囉。但係果汁要成十幾蚊杯真係幾貴呢

下一站，旅遊觀光塔。本想搭巴士去，但葡京門口個站唔知搬左去邊，上上下下，左左右右，咁都搵唔到去觀光搭的巴士。最後唯有屈服搭的士。但係都唔係度度截到的士。結果搞到流晒汗，搞到人好忟憎下先上到車。車費仲好平囉.................白辛苦了。

去到觀光塔，便去地庫睇日清博物館，仲同清仔清妹影相呢~之後都冇乜好搞，因為要上觀光搭一係要反game，一係要食buffet。咁貴，作罷。

下下一站，氹仔。再一次交通失誤。遲左下車，結果架車去墳場門口先有得落好不容易就去官也街一帶食街。途中，仲順便睇埋聖嘉模大教堂同住宅博物館呢~又有機會勁影相。剛巧見到幾對新人結婚呢接著就去左山度士葡國餐廳食lunch。呢間我差不多每次來都食，因為我鍾意呢間夠道地，個廚仲係葡國人，入面有好多葡人同鬼佬光顧，我每次去都會見到一大場桌朋友歡聚暢飲~講番野食，真係有水準，個海鮮飯好入味，炒硯個汁好好味呢食完一個好滿足的lunch，就去食甜品大菜糕，之前試過其他味的，有點失真，所以今次還是吃原味的加什果