[游记]澳门游记

澳门个边的导游(到左珠海的关口之后原来的导游就无过关，过到澳门之后就换导游兼换车)首先带左我地去一个卖手信的铺头，个导游事先都有同我地讲明，我地系个度买野距同旅游吧的司机都有得抽3的回扣。一入到去睇果然如此，某D产品确实比澳门市面上贵好多。系个间铺大概逗留左十几分钟就继续去其他地方了，我系个度买左两包糖(个人觉得有D贵)。跟住个导游又带左我地去另一间卖药的铺头，系呢度我同个妹对药都无兴趣就无落车去睇了。又系用左十几分钟(基本上后来每个地方都系逗留呢个时间)我地就去继续行程。之后一车人就去参观四面佛，因为我家唔太信奉所以只在后面等候其它团员。其它团员参观完之后一行人就步行去金莲花广场，系个度影左几张相就走了。我地上午最后参观的景点就系主教山同妈阁庙；因为主教山系D澳门的高官同有钱人住的地方，所以我地系坐系旅游车上参观的，首先我地见到的系一些粉红色外墙的建筑物，个D就系澳门的行政长官同司长居住的地方，好像还有是办公的地方我忘了。之后就睇到一间楼顶有只铁公鸡的屋，个间就系赌王何鸿燊间屋，导游话呢间屋屋顶只铁公鸡就系一个风水格局，铁公鸡一毛不拔，即系话系距赌场赌钱的人想赢钱好难。参观完主教山部车转左两个转就到左妈阁庙，因为唔太信奉神佛，我地都无入去睇了，之后我地就去食午饭了(食饭前仲去左另一间铺懒得写就唔写了)。食午饭的地方好多人，我估多数一日游的团队都系来呢度食，中午的菜真系好一般无咩好写。

食完午饭后，我地只参观左一个旅游景点，就系大三巴牌坊啦！

去到个度发现，真系有好多人系个度参观啊，大三巴不愧系澳门的标志性建筑。基本上每个去澳门旅游的人都会去个度参观同拍照念，我地当然都有影相啦！影紧相的时候发现系大三巴下面就有几间卖手信的铺头，我地影完相就落左去睇，因为导游剩系俾左二十分钟左右的时间俾我地参观，而我地影相都用左好多时间了，所以个D手信的铺头都系入去睇左两眼咩都无买就赶番上旅游吧了，我地连系大三巴牌坊隔离的大炮台都未去睇。点知番到上车，仲有一大班团友未番，D团友多数走左去头先睇到的手信铺度买野，所以先会迟到。导游见到大部分的团友番晒来之后就问仲有无人未番，点知仲有一个未番，个导游就话唔等了，距话已经讲明只俾二十分钟，点知而家已经用左成三十分钟了仲未番，无理由为左一个人而影响全车人其它地方的参观时间(其实后面都剩系去英皇娱乐城度参观左下赌场就解散了)，未来的人自己识去英皇个边集合的啦。