[游记]澳门一天游

8月25日

今朝(20th, Aug~) 6點就起身la~ 本身想搭bus再轉地鐵...但最後都係揀左bus轉kcr~ 結果由尖東站行去中港城，行左我成15~20分鐘....tired死...但佢7點半都未俾我地入閘住~

而一上船，我就訓到死左咁...船程都幾快，1個鐘左右就到左....但又要排隊過關，我開始覺得e-道係個好好的發明...一落船，我就發覺自己d 資料好唔充足，完全唔知要搭乜車去燈塔...結果要問bus站的司機，先知搭12號可以去盧廉若花園，可以行去附近的二龍喉公園搭mini cable car上果個東望洋燈塔....雖然澳門真係唔算好大，但因為好多地方都起緊野，d bus都要兜下路，結果好似都行左ok耐~ 而我地第一站就去左果個盧廉若花園，無乜驚喜，因為好中國式，基本上有去過廣東d 四大名園﹐都會見到類似的野...我地好快行完就走過去果個二龍喉....d cable cars真係好mini...車數又唔多...一有旅行團就麻煩，排隊都排死~ 好彩我地早少少到，買埋來回飛，都係3蚊~ 上到去，仲要行5~10 mins先上到燈塔位，好似去左行山，同當地人一樣上去晨運咁...幾靚...可惜今日的天氣唔夠好，好大霧，好難遠望到d乜．．．．不過照舊狂玩影相....之後搭番山，就搭左19號出新馬路，好想食野...不過因為想搵番間葡菜食下，結果行行下就去鬼左大三巴，咁唯有影下相先...最後都係去左澳門蔡瀾美食坊食日本菜，我就叫左個咖喱飯...一般啦...好似同hk食差唔多...食完就開始去d 博物館~ 今次搭10號去海事博物館~順手o係媽閣廟門口影番張相...海事度都ok多船睇，又夠靚...我都買到d 靚靚postcard~ 之後就係搭番10號bus去葡萄酒博物館~ 順手去埋賽車博物館，都有d 靚車，但數量就.....少左d lr....至於葡萄酒博物館，我估戲玉都係果一杯試飲的酒，我己經唔記得左我試左果杯白酒係乜，但就好香，雖然dry左少少，同埋隻香味我係飲過架，但係都記唔起係邊隻提子，真係隔左太耐無飲啦...但好多大陸團o係度，勁叫人倒多d 酒....個博物館入面真係收左好多酒，又有board介紹釀酒過程，不過就沒任何instruction介紹下d 酒，唔識酒的入到去望住果一大排酒，都真係唔知睇乜架....完左一出博物館，勁大雨，結果搞到我地入唔到去乙水仔食豬扒飽...仲要等左半粒鐘先細雨，結果我地又搭番10號出新馬路買手信...仲食左間扮晒豬扒飽，但結果勁難食的store....後悔，waste左8蚊，真係唔應該信新馬路果間所謂"澳門馳名豬扒飽".....就係咁，我地乾脆快d 搭10b過漁人碼頭玩...幾靚gei~ 幾適合影相....又夠大喎，搞到我地行左好耐先捨得過隔離的金沙玩....本身我同lf都勁想試下玩架，但又唔想玩無聊老虎機，但望住d 賭大細的，個個一落注就係1舊水...嘩，唔捨得俾啦....結果浪費左好多時間睇人地玩，最後6點幾就上左金沙3樓果間"金帆船葡國菜"~佢首先上左個餐包，又幾好味喎...但真係食唔慣d 葡式欖，太鹹啦，又唔知應該點食...頭盘，我地叫左個"芝士葡腸焗生蠔"~隻蠔幾好味，但係d 腸就太鹹啦~~然後就係個"馬介休炒飯"，好香好好味又夠大碟，我地仲叫左個"焗牛尾"，夠軟夠入味，兩樣都好好食...最後甜品就要左個紅酒燴啤梨，好爽﹐但又唔會好重酒味，個汁又好味~ 不過最可惜係我地6點幾先來食，而呢間野又慣左上菜上得比hk慢，等d 客可以慢慢食，但我地要趕船，所以結果要催佢地上菜....太可惜啦...再加上之前食左個難食豬扒飽，搞到食唔晒d 炒飯~ 唉...本身我地實食得晒架...呢餐真係幾好架...埋單每人120左右啦~

我地一食完就衝左落去，飛的過碼頭，雖然金沙勁近碼頭，但都搭左我地16蚊的士...而碼頭又勁多人等上船，所以我地即刻無咁擔心....船結果8:33先開~ 但9點40左右就番到hk~ 但係，我就要用成15 mins先行到尖東站...tired死我...但估唔到番到屋企仲睇到"女王"~ 呵~ 好tired呀....