[游记]澳门半日一夜+香港半日游(下)

6月3日

0632930

THE NEXT DAY…

8點幾9點幾左右俾人炒醒,- -…享受完麥當當早餐後check out出發進行澳門游～woohoo～

首先去咗觀光塔個度.(有年tvb,阿jade爬上去個度咧～)喺個度影咗好多相,個度唔知搞緊乜,應該係promote緊macow,但係竟然有好多hello kitty!!!!!!!!興奮到我啊~~~~~我摞住部機狂影d kitty- -…哈哈.

之後去咗漁人碼頭,個度d景好正咯.有好多嘢玩噶,但係事關得我一個細路,玩就罷免算啦- -…個度有d建設好有羅馬feel～

最後去咗大三巴,澳門必去之處～.途中見到禮賓府er…

首先我哋去填肚,去咗間懷舊茶餐廳- -…d嘢食般拉.通往大三巴條斜坡好多嘢埋.斜坡下面好多店,mummy發揮佢本色周圍睇衫,我同daddy唔so佢走去睇digital,部casio ex-s600-blue 3382好鬼低!!!!!!!!!

期間見到”兜巴星”(星巴克)個poster有凍啡!!!!!!!外貌勁正!!!!!!好誘惑~~~~~~~~~~

之後去咗x記(唔記得間舖叫乜名- -)買手信.買咗好多澳門食嘅特產.d脆皮豬肉乾好正,但遭阿媽拒絕入貨- -…掃咗成幾袋嘢.- -…

then又去填肚,阿媽買咗只豬扒包!!!!!!!哇,勁好食!!!!!!!!!!!!!!!8蚊一只!!!!!!!!!!!!!!唔係講笑,真係好正!!!!!!!!!!!d包皮唔會厚,d豬扒唔會難啃,咬落去鬆口,配搭勁match～～～～～～正到～～～～～～