[游记]广西3日之旅,有喜有悲,有苦有乐

6月20日

3, ,

嗨,上一次的12條謎題已開估喇(有興趣可以睇番上一部落), Winnie你很叻, 答啱8題, 你地呢?又答啱幾多題呢...

今次由6月17日啟程的3天廣西之旅,所到之處多不勝數包括肇興,佛山,德慶盤龍峽,外婆屋,世外桃源,燕岩,竹林...等等,心情也同天氣一樣,驟變不停,所以有不少驚喜及驚訝的事件可以節錄如下......(遲D有好多靚靚相俾大家睇）

憤怒事件1－－究竟去旅行定係受訓？？

（6月17日，長時間天陰，時有大雨）下午在佛山落船，往肇興的3個鐘車程中，導遊哥哥（黃仔）已經同我們講，今晚住的外婆家（盤龍峽），上山的路昨晚已發生山泥傾瀉，今晚大有可能要攀越崎嶇路徑（繞過傾潟山泥的地方）再坐接駁車；當我地剛剛要行上山時，天已漸黑，天上轟隆轟隆幾聲，滴滴滴．．．跟住就，下著大雨上山，行在鬆軟崎嶇的泥濘上，有時只靠踩磚頭取平衡上斜，閞著縮骨傘＝無開一樣，濕身程度不能形容，見到團友，導遊，公安一個拉一個上去的情景，聽到小心呀，小心呀，慢慢黎．．．等的聲音，我頓時覺得今次旅行似受訓多過去玩，而最錯誤的選擇不是只帶一把縮骨傘．而係報了這個團呢！

恐懼事件2－－與蟲共睡

上到外婆屋，黃仔叫我地盡量深呼吸洗下個肺，因為這處高山充斥著豐富的負離子，不過一間間的外婆屋外觀真的很大自然，很靚；而我地就係住其中兩間B7 ,B8，屋內與外觀很不同，估唔到內裡都幾似酒店格局，不過黃仔話呢度除了無蛇之外，蟲鼠蟻就樣樣齊，所以叮囑我地入屋後要立刻關門（窗已關），以免引蟲入室；雖則我地聽聽話話，照單全做，但係小弟最驚蜘蛛，都唔知床下底有幾多隻，都已經很不安喇，另外給我發覺有隻可愛小甲蟲，從門隙捐入來，唉～～～百密一疏，拿拿臨用毛巾塞埋門隙後，就諗住用拖鞋攪掂佢，點知拍唔中，俾佢飛走去不知那兒（不過一定在房中，因為我們不敢開門），就係咁，我就係在這間有甲蟲有蜘蛛的木屋仔訓了個幾鐘（咁少？係呀，3點起身睇皇馬對馬略卡直播呢！）

喜悅事件3－－美麗景色，盡入眼廉

（6月18日，初時天晴，後轉狂風暴雨，心情超差）一早由外婆家行落山，黃仔真係冇介紹錯，沿途風景如畫，雖然行了個幾鐘，但係天色明朗都不覺辛苦（相比起尋晚上山的苦況），途中見到一個個運作的水車，充滿著生命力，再沿長長曲折的樓梯行落去，見到幾個很大的瀑布群，那種澎湃洶湧的水力在高處沖落去，令我感受到原來瀑布是那麼源源不絕，那麼壯觀啊！行到山腳附近時，見到一大堆工程進行中的小木屋，似乎盤龍峽遲些又有新屋住了，配合著繁盛的薰衣草，一副美麗的桌報令我忍不住用相機收藏了

憤怒事件4－－又變落水狗，逃離燕岩