[游记]山东归来

2006/11/25

无错，我又翻来啦，度过左长达七日的长假期之后我又再次踏上广州的土地，迎接我的更加係——准备翻工！真係。。。。。。。循例补翻篇游记上来纪念一下，上班以来最长嘅一次假期，呵呵。。。。

第一日：早上10：45分的飞机，广州飞大连，中途係宁波停左一次机（本身行程係大连最后徐州最前的，不过后来旅行社话飞机航班有d问题所以调转来玩），到达大连市区的时候已经三点几了，跟住去游览星海湾广场（就係有1000对铜铸脚印的广场啦），之后到绿山观景台鸟瞰大连全貌，车游呢个情人路、情人桥，到达相当于广州五羊雕塑地位的虎雕广场，百年城雕。。。。结束第一日的行程；

第二日：早上起床坐车去旅顺参观苏军烈士陵园同旅顺军港（话係军港，不过其实就係一个公园仔，见到两部退伍军舰，因为正式的军港我地係入唔到去的）。係路上顺便欣赏下大连的城市面貌。之前一直有人同我讲大连係中国最靓嘅城市，我仲心存怀疑，不过亲身到过之后先可以体会到嗰种震撼——真係好靓！！大量日本、韩国、俄国的建筑风格，直情好似置身係外国咁，而且d街道又靓，城市绿化又好，即使係d普通嘅住宅楼都靓都咩咁，唔怪得要13500一平方！！不过相比起中国其他大城市，只有一百多年历史的大连因为起点高，又曾经被多国占领过，融会左各国的建筑文化先会有咁样的效果，呵呵。。。係旅顺的渤海特产店狂买手信之后，下午翻翻大连游览人民广场、日本风情街、俄罗斯风情街，真係好有外国feel——再次强调一下！！值得一提嘅係大连的夜景亦都唔错，中心商业区的繁华程度同广州有得挥，而且d购物中心居然靓过晒广州所有购物中心！！！大家睇下相就可以知道我无讲大话啦：）

第三日：早上起床之后去大连港搭快船去烟台，3个半钟，直接后果就係成船人除左我地两个之外好似都狂呕不止，连我呢d自问好坐得船嘅人都有d唔係好舒服，风浪比较大嘅缘故。中午係烟台吃完饭直接出发去蓬莱，游览八仙过海风景区，仙人桥，会仙阁，跟住係蓬莱住左一晚。。。

第四日：早上坐车去青岛，到达青岛之后去参观崂山北九水风景区，奇山怪石密布，如果夏天去的话估计可以同九寨沟一拼，不过可惜而家係冬天，无咩水，净係见到山山石石树树，不过都几唔错。。。。之后给个导游昆左去崂山太清宫睇崂山道士，适逢初一睇到d道士作法，不过仅此而已，无咩特色。。。最后去左参观青岛的五四广场，有个好大嘅雕塑，不过由于太冻所以大家都无停留太耐。。。。

第五日：一早先去参观青岛嘅栈桥——曾经最古老的码头，亦都係著名景点，我拍我拍我拍拍拍！！之后去参观青岛迎宾馆，据称係现存最完整嘅歌德式建筑，里面是曾经占领青岛的第一任德国总督耗资280万马克修建的私人住宅，富丽堂皇，不久前德国方面还希望把该建筑平移回德国，不过被拒绝了，呵呵。。。下午坐车去济南，终于有晚可以住係大城市嘅四星级酒店啦，真係捻起都兴奋！结果晚上就去左济南的泉城路shopping，类似广州的北京路，买左两件係广州无得买的衫，不过真係好大风，着实体现左一下北国的冬天！晚黑翻到四星级的酒店顿时温暖如春。。。。

第六日：一大早去参观本应第五天参观嘅济南黑虎泉，既然号称泉城咁点可以唔睇下济南的泉水呢？不过比较可惜嘅係行程无安排到去趵突泉，同咁著名嘅景点擦肩而过。。。跟住直奔泰山所在地——泰安。係泰山脚转环保车，之后坐缆车直奔南天门，我地比较好彩，刚好遇到山东今年第一场雪，係泰山之上降临，虽然我地到达的时候雪已经停左，不过可以欣赏到白茫茫嘅泰山雪景亦都不枉此行～～由于个团大部分係中老年人，于是我地只係得一个半钟嘅时间从南天门爬到泰山最高嘅玉皇顶，海拔1532米，仲要係来回加埋！！雪结成冰搞到山路非常湿滑，导致某人唔小心跌亲petpet，呵呵。。。。不过有d遗憾嘅係登完泰山我并无“一览众山小”嘅感觉，感觉上泰山亦唔算太高，估计係因为海拔唔高经常有文人墨客可以爬上去所以先被吹嘘得咁厉害，定还是“不识泰山真面目，只缘身在此山中”呢？下午匆匆忙忙咁赶去孔子嘅老家——曲阜，参观孔府、孔庙、孔林，分别係孔子子孙住嘅地方，皇帝拜祭孔子嘅地方以及孔家的墓园。令人比较唏嘘嘅係孔子到77代单传之后再无香火了，因为孔子77代曾孙跟住蒋介石去左台湾，而佢个仔係7岁嘅时候不幸夭折，只剩下一个女儿而已。。。比较搞笑嘅係前不久佢企图要中国政府归还佢嘅住宅孔府，不过被以“呢个係国家文物”为理由拒绝左，所以佢而家翻屋企都要买门票先入到去。。^_^