[游记]2006大阪+和歌山

8月3日

2006

今年4月去咗大阪+和歌山，好玩。尤其係和歌山紀伊半島嗰邊，好鄉下，但就好 RELAX。不過交通就唔係好方便啦 *~*" 第一天 4月23日 到咗關西空港之後搭JR去白濱，1個多小時就到嘞。住嗰間房係和式嚟架，即係榻榻米啦。由於未到食飯時間，出咗去行一陣。見到家商店似小型超市就入去行吓，買咗啲零食、生果等。但最估不到的是日本番茄，超大隻 ~~~好味道~~~ 第二天 4月24日 先去海中展望塔(海中公園)、千疊敷、三段壁。中午係TORO TORO食左個魚生船~~超抵~~ ，係無去丹月島，因為最好係黃昏日落去就最正。跟住就去左搭JR再落去紀伊勝蒲嘞。 到左紀伊勝蒲站之後行去碼頭搭船去酒店嘞。呢間酒店最出名係溫泉，有八個唔同地方嘅溫泉，最出名係忘歸洞，係近海邊嘅岩洞做成嘅溫泉。總共浸左4個。 第三天 4月25日 先去串本潮岬，呢度係日本本洲最南端嘅地方。跟住去串本海中公園，因為交通未能接得上，所以返到串本車站之後要搭一轉日本的士去海中公園。~~嘩~~2170日元 肉到赤埋。玩完海中公園本來可以早啲返出去串本車站，但係又係交通問題等左差不多45分鐘先有巴士返出去串本站繼續行程。出到去串本車站之後行去橋杭岩(上邊嗰張相就係嘞)，行咗差不多20分鐘，影吓相，差不多4:45，又要等尾班車返酒店，如果唔係訓街都似。 第四天 4月26日 早上去咗行那智山。呢度嘅熊野古道及那智瀑布在2004年列入世界文化遺產名錄。我哋由大門板開始行，首先守門口嘅係一對夫妻杉，據聞有800年架嘞。跟住就係行熊野古道那智段，沿途都係杉樹。呢段嘅尾有熊野那智大社、青岸渡寺、最後係三重塔及那智瀑布嘞。那智瀑布係日本落差最大嘅瀑布嚟架。跟住又係等車返落去紀伊勝蒲站附近吃飯。下午乘船作了一次紀之松島環島遊，比想像中差啲啦。最後就係搭番JR上番上大阪嘞。~~~~~~~~接近四小時嘅車程~~~~~~~~~ 食便當啦、睇PMP啦、訓覺啦、好長嘅旅程呀~~~就好似由香港出發到東京嘅時間一樣。返到大阪都差不多晚上7:30至到酒店CHECK IN。CHECK IN完就出去心齋橋行一陣後食飯~韓式燒烤。 第五天 4月27日 早上先到附件嘅黑門市場，4月係日本士多啤利嘅季節，當然唔會錯過啦。買了一BOX，內有4 PACK，都唔使2000日元，計埋都係HK$125.00，一個字 -----抵----- 。跟住都係行吓心齋橋、難波SHOPPING CENTRE咁啦。UNI QLO必定係首選要掃貨嘅地方。晚餐食居酒屋，每碟 328 円炸。 第六天 4月28日 早上去咗大阪城天守閣，BLOSSOM OUTLET SHOPPING，跟住又番去心齋橋又行UNI QLO。都唔明點解都可以買到野??? 晚餐係任食 SUKIYAKI，好飽!! 第七天 4月29日 早餐去"松屋"吃，呢間似吉野家，梗有一間係左近。跟住去天王寺附近行吓再去通天閣展望塔，點知鬼死咁多人就無上去嘞。改咗去附近食串燒，呢度啲串燒是沾粉醬炸嘅 - OK咁啦。夜晚又番心齋橋又行。都係唔明點解行極都好似未行完心齋橋嘅???? 晚餐食伊勢海老，直落宵夜又係串繞，不過今次真係燒嘅，勁好味啦今次!! 第八天 4月30日 最後一天，亦係最後搏殺時間 (SHOPPING 呀) - 一早出機場搵LOCKER放好行李之後，再番去前一個站個 FACTORY OUTLET 度盡最後的 "大血拚" 。EDWIN / NIKE / ADIDAS 等等........... 跟住食番個意式午餐就番香港嚟嘞。 各位可以到我的相薄中找 "2006大阪+和歌山" 去睇相，和歌山啲相都真係唔錯架。