[游记]沙巴游记2007年10月15日第三天

mcgate "女油想補"

觀迎來看我的"女油想補"記得睇完唔好就咁走左去比d reply 黎呀!

2007年10月21日 星期日

馬來西亞 - 沙巴遊記 2007年10月15日 第三天

第三天

這天行程比較輕鬆主要出島(沙比和馬奴干島)和自由活動時間 而天氣都幾好早上07:45食左個酒店自助早餐今天比較正常一點時間所以比較多選擇到08:00我們3個人就在Lobby 等 Jason 接我們到碼頭(其實碼頭是在Magellan 內)坐左半個鐘車就到啦!

這個就係出島既碼頭啦!

Jason 就先同我地去Watersport Centre 租兩套浮潛用具我自己就用私家o既!

Jason 再去這邊幫我地買船票和BBQ餐的票!

我地就係坐這種快艇出沙比島o架啦!

坐快艇短片~

到左沙比島碼頭拍o既!

碼頭上有個牌有齊這個島會出現既魚

個碼頭用木做都幾穩陣而且伸到好出將沙比既沙灘一份為二

行過好長既沙比島入口處Jason 幫我地比左每人RM$10.0作為上島費用就安排我地坐係張好似擺酒咁既檯仲有一把好大o既大陽傘我地3個人放低左d野就換泳衣換完泳衣就有島上既旅行社介照各種水上活動其中有飛魚水上電單車香蕉船...........我地只係玩左飛魚和水上電單車

沙比島碼頭入口

沙比島地圖

島上小商店我就係在這裡買好有名o既果汁雪條(大樹波蘿味)!

這裡是沙比右邊o既沙灘而右邊沙灘比較多魚左邊比較少! 呢隻就係我玩緊o既飛魚(Fly Fish)相中遠處果個就係我黎o既

第一個活動當然係飛魚啦! 點玩o架? 講都唔會明架啦! 去片啦!

玩完番黎就去玩水上電單車先要載我地出去近Magellan 既一個浮台等電單車玩等左好耐先輪到我玩今次雖然貴d但時間夠長而且話就話有範圍但去到好遠都冇人理我地自己踩到架電單車盡晒架車跳到差d飛左我落海手累得好緊要好鬼爽過足癮

最後玩到我自己都累到頂唔順先駛埋d佢先叫我番去我就即刻番去啦! 再唔番去我怕冇力拉個油門制

浮台留影~

咁玩完就有快艇來接我地啦咁就上船番去咁Q有個職員唔知係邊捉左條水蛇黎玩都係果句"沒圖沒真相" !

果個人玩左一陣就係船尾掉番落海!

好快就番到去沙比島啦! 時間大約係12:20這個時候剛好到左食午飯時間我地既燒烤餐呀!

玩完咁多用體力既活動真係好鬼累我見到碟飯就好鬼肚餓咁我就以一向出名既奇招 "餓狗搶X!" 去食這餐飯其實就唔趕不過肚餓加心急去玩餵魚就嘜都唔理啦!

咁食完都一點啦仲有半個鐘就要坐船去馬干奴島咁就去餵下魚真係好鬼多魚一放麵包就有超過50條魚游埋黎搶食都係果句去片!

這裡就是餵魚果邊o既海灘! 同一個海灘近碼頭處

係海面影o既天空都算幾好天!

餵到13:30就上船去馬干奴島之前有幾位網友提過果到好靚o架! 坐左5分鐘就到啦!

馬干奴島碼頭入口

島上酒店

去到馬干奴島差不多14:00但天開始陰有d想落雨但仲未會落咁唔理啦! 即時落水先再算但落到水就知唔多對路水好濁唔見有魚但係就滿地海參咁我地再放麵包答案係"冇魚食!"

唯有再行遠少少啦! 但係行遠d去浮潛都係好少魚只有幾條比較大既魚好難先餵到佢地食餵多兩下都唔理我地去片!

唉! 只有放棄咁就15:00我地慢條斯理咁去仲身換衫啦沿路睇下島上既餐廳和酒店設備都幾齊全餐廳仲幾有氣氛添

這個島有一項活動係三個島中得佢有就係海底電單車啦! 我都冇玩唔知點情況你地自己去試下啦!

這張係海底電單車既橫額啦!

我地就坐船番去市區啦! 係途中見到難得睇到既神山山頂此山被譽為東南亞第一高峰

由於大家都肚餓咁就去食個Tea先咁都係食d簡單野但甜品就有一樣叫做 A.B.C. 既刨冰真係好好食初初我就叫左一碗其他人食左幾嗒之後就話要叫多碗啦!

這碗就係好好食o既A.B.C.!