[游记]暹粒五天遊之大圈篇(22-26.11.2009)

其實去呢處旅行，對絕大部份人來說，三日真係乜都夠，所以呢處入場門票自然有“三日票”供人購買，而行程都固定及細分為『大圈』、『小圈』及『外圈』，已可以參觀所有主要寺廟範圍，先後次序可互換。而我就選擇由『大圈』開始，但因為要睇既寺廟比較多，但我呢一日決定唔早起睇日出，司機都要我早上7時便出發！

大圈係指由Angkor Thom(吳哥城)開始，第一個係進入既係South Gate(南門)

第一個去既係Prah Khan (聖劍寺)，跟著是Neak Pean (龍蟠水池/蟠蛇水池)，之後便是好多好多寺咁啦，計有Ta Som (拓桑寺/塔薩寺)、East Mebon (東湄本寺)、Pre Rup (變身寺/比粒寺)、Sra Srang (皇家浴池)，Banteag Kdei (班提可德寺)。因為太多了，所以唔細分了！

Ta Prohm (塔布籠寺)

這間寺就是拍過『盜墓者羅拉』及『花樣年華』既取景場地，所以去呢個地方既人特別多，不過梁朝偉對住個樹窿講野既坡樹，我就點搵都搵唔到，咁我既心事，又可以同邊個傾﹖同埋收藏係邊呀﹖哈~哈~哈~哈~

Phnom Bakheng (巴肯山)

當日最後就係黎呢處睇日落，人多多，多到彌敦道咁樣！可惜當天煙霞好大好厚，乜都睇唔到！

睇完就梗係返酒店啦，呢個地方市中心就好細，但景點範圍就好大，一日過後都有少少腳仔軟，所以一返去酒店沖涼後便再去按摩，呢次梗係指明搵個女仔啦，咁先係享受架嘛！

之後去咗Old Market既鋪頭仔大排檔處食野，間野叫乜名就唔記得了，但係好食過之前一晚那間出名既餐廳好多，又平，不過烏蠅仔就多咗啲，不過那裡人人都咁食，我又唔怕死！試一試無妨！

(1)

(2)

(3)

(4)

(5)